Mańǵystaý oblystyq kópsalaly balalar aýrýhanasynda «Sábı» qaıyrymdylyq qory salǵan shuǵyl balalar hırýrgııasynyń jańa ýltra-zamanaýı bólimi ashyldy dep habarlaıdy "Adyrna" ulttyq portalynyń tilshisi.
Aqtaýdaǵy Shuǵyl balalar hırýrgııasy baǵdarlamasy «Sábı» qorynyń aıasyndaǵy eń iri joba, ony iske asyrýǵa 306 mıllıon teńge jumsalǵan. Halyqaralyq deńgeıde zamanaýı úlgidegi ınnovaııalyq qurylǵylar men apparattarmen jabdyqtalǵan bul bólimshe búginde myńdaǵan balalardyń ómirin saqtaıtyn ortalyqqa aınaldy.
Sońǵy úlgidegi medıınalyq qural-jabdyqtar, sonyń ishinde kóp parametrli paıenttiń monıtory, elektrokardıograf, ýltradybystyq dıagnostıkalyq júıe, larıngoskop, jeldetkish jáne gazben qamtamasyz etetin jáne medıınalyq mekemedegi sterıldi jaǵdaılardy qamtamasyz etetin arnaıy jabdyqtar satyp alyndy.
Joǵary tehnologııalyq operaııalyq qondyrǵyny jáne jas paıentterge arnalǵan yńǵaıly bólimderdi tolyqtaı jabdyqtaýdan basqa, Qor emdeý jyldamdyǵyn arttyrý maqsatynda aýrýhanada qosymsha jóndeý-qurylys jumystaryn júrgizdi. Dárigerlerge noýtbýktar, ambýlatorııalyq tirkeý júıesi, Smart TV jáne keńse jıhazdary satyp alyndy.
«Bizdiń jobanyń basty maqsaty – búkil qalaǵa jáne jaqyn eldi mekenderge qyzmet kórsetetin bir ǵana balalar aýrýhanasy bar aımaqtardaǵy medıınalyq qyzmetterdiń sapasyn arttyrý boıynsha júıeli sharalar jasaý. Jaǵdaı qajetti qural-jabdyqtardyń jetispeýshiliginen kúrdelene túsedi, al jedel medıınalyq kómektiń jetildirilgen júıesi, onyń ortalyǵynda shuǵyl hırýrgııa paıentterdiń ómiriniń qaýipsizdigin qamtamasyz etedi», – deıdi «Sábı» qaıyrymdylyq qorynyń prezıdenti Ásel Tasmaǵambetova.
"Adyrna" ulttyq portaly.
