Jarkentte bir mıllırad teńgeniń mektebi "qulaǵaly" tur. Almaty oblysy Panfılov aýdany Jarkent qalasynyń Hamraev atyndaǵy orta mektep oqýshylarynyń ata-analary álemýttik jelige beınerolık jarııalaǵanyn málimdeıdi “Adyrna” ulttyq portaly ratel.kz saıtyna silteme jasap.
Beınerolıkte turǵyndar mektep qabyrǵasynda jaryqshaqtar paıda bolǵany kórsetilgen jáne balalarynyń qaýipsizdigine alańdaıtynyn aıtady.
Biraq Panfılov aýdanynyń ákimdigi alańdaıtyn eshnárse joq deıdi. Olardyń sózinshe, mekteptiń syrtqy shtýkatýrkasy qalyń jasalǵandyqtan jaryqshaqtar paıda bolǵan. Kosmetıkalyq jóndeý jumystaryn jasaý úshin bıýdjetten 15 mıllıon teńge qarastyrylǵan.
«Bul mektep 430 balaǵa arnalǵan. Smetalyq quny bir mıllıard teńgeden asady. Kepildik merzimi úsh jyl bolǵan. Ǵımaratty qabyldaǵanda bundaı olqylyqtar bolǵan joq. 2019 jyly qabyrǵalarda jaryqshaqtar paıda bola bastady. Baqylaýshy organdar tekserý júrgizdi. Olar shtýkatýrka qalyń jasalǵanyn anyqtady. Bıyl shtýkatýrka qulaı bastady. Kepildik merzimi aıaqtalandyqtan bıýdjetten 15 mıllıon teńge bólý qarastyrylǵan», - delingen aýdandyq ákimdik taratqan málimdemede.
Panfılov aýdanynyń ákimdigi bes jyl buryn ǵana salynǵan jańa mektepke bıýdjetten endi 15 mıllıon teńge jumsaıtyndaryna tegi alańdamaıtyndaı. Al ózin qurylysshymen dep aıtqandy unatatyn, ári oblystaǵy ár ǵımarattyń sapasyn qatty qadaǵalaımyn deýdi jaqsy kóretin qurylysshy ákim Amandyq Batalov "qalyń bop ketken sylaqqa" qatysty eshteńe aıtqysy kelmeıtindeı. Jańa salynǵan mektepke bıýdjetten 15 mıllıon teńge bólýdi de oǵash sanamaıtyndaı. Ázirge únsiz. Bir aıta keterligi, qurylysshy ákim basqaratyn Almaty oblysynda áli de úsh aýysymda bilim berip jatqan mektepter kóp. Al jańa salynǵan mektepteri osylaısha kóp uzamaı kúrdeli jóndeýge suranyp tur.
Bir mıllıard teńge bıýdjet qarjysy jumsalǵan mektepti «Almatykýltbytstroı» kompanııasy salyp, 2017 jyly paıdalanýǵa bergen. Ony jergilikti bılik ókilderi saltanatty túrde lentasyn qıǵan.
