Qytaıda maımyl vırýsyn juqtyrǵan alǵashqy adam kóz jumdy. Vırýs ǵylymı negizde "Maımyl B" vırýsy dep atalady. Bul maımyltektesterden adamǵa juǵyp, qaýip tóndiretin jalǵyz vırýs.
Global Timestyń jazýynsha vırýsty juqtyryp, kóz jumǵan alǵashqy adam veterınar bolyp shyqty. Onyń otbasy músheleri tekserilip, dárigerlerdiń baqylaýyna alynǵan. 53 jastaǵy veterınar naýryz aıynda eki maımyldy soıyp, zertteý júrgizgen. Bir aı ótken soń qusý jáne bas aınalý belgilerimen aýrýhanaǵa túsken.
Buǵan deıin Qytaıda maımyl vırýsynyń adamdarǵa juǵý faktisi tirkelmegendikten, bılik bul jaǵdaıǵa alańdaýshylyq bildirýde. Sáýir aıynda vırýs juqtyrǵan naýqastan dárigeler julyn suıyqtyǵy negizinde synamalar alyp, vırýstyń baryn anyqtaǵan.
"Adyrna" ulttyq portaly
