Tájikstan prezıdenti Emomalı Rahmon 16 shilde kúni Hatlon aımaǵyna saparmen bardy. Ol sapar barysynda Pıandj ben Mır Saıd Alı Hamadonı aýdandaryndaǵy áskerdiń soǵysqa daıyndyǵy men áskerı tehnıkanyń urysqa saı ekendigin tekserdi. Ol shekarashylarmen Aýǵanstandaǵy turaqsyzdyq máselesin de talqylaǵan.
Pıandj aýdanyndaǵy áskerı beketke baryp, 2 myń sarbazben jeke kezdesip, olardyń tutqıyldan bolýy múmkin soqqyǵa daıyndyqtaryn tekserdi. Tájik basshysy bul aımaqta tek qana Tájikstannyń ǵana emes, TMD men EO-nyń da qaýipsizdigi kúzetiletinin aıtyp, sarbazdardy qyraǵylyqqa shaqyrdy. Artynsha Rahmon Mır Saıd Alı Hamadonı aýdanyna baryp, áskerı tehnıkalardyń urysqa jaramdyǵyn tekserdi.
Prezıdenttiń kelý qurmetine oraı arnaıy áskerı sherý de uıymdastyryldy. Esterińizde bolsa Aýǵanstandaǵy jaǵdaı ýshyǵyp, Talıban qozǵalysy tutastaı tájik-aýǵan shekarasyn óz baqylaýyna alǵan edi.
"Adyrna" ulttyq portaly
