DDU basshysy: Koronavırýstyń Ýhannan "shyqqanyn" joqqa shyǵarýǵa áli erte

2650
Adyrna.kz Telegram

Dúnıejúzilik densaýlyq saqtaý uıymynyń basshysy Tedros Adanom Gebreıesýs COVID-19 aýrýyn týdyratyn SARS-CoV-2 koronavırýsy Qytaıdyń Ýhan qalasynyń zerthanasynda paıda boldy jáne taraldy degen nusqany tolyqtaı joqqa shyǵarýǵa ázir erte ekenin málimdedi dep habarlaıdy «Adyrna» ulttyq portaly «centralasia.media-ǵa» silteme jasap.

«Men ózim laborant boldym, ımmýnologpyn, zerthanada jumys istedim jáne mundaı jaǵdaılar zerthanada bolatynyn bilemin. Mundaı jaǵdaı keıde bolady», - dedi DDU  basshysy.

Gebreıesýs bolǵan jaǵdaıdy tekserý pandemııanyń taralýyna qandaı da bir zerthanalardyń qatysy bar-joǵyn anyqtaý úshin óte mańyzdy ekenin atap ótti.

«Bizge aqparat qajet, pandemııa bastalǵanǵa deıin jáne osy zerthanada qandaı jaǵdaı bolǵandyǵy týraly tikeleı aqparat kerek», - degen ol Qytaıdyń  osy máseleni sheshý úshin yntymaqtastyqqa daıyn ekendigin atap ótti.

«Eger biz tolyq aqparat alsaq, bul zerthananyń pandemııanyń taralýyna  qatysy bar degen boljamdy joqqa shyǵara alamyz», - dedi DDU basshysy.

Aıta ketý kerek, bıylǵy jyl basynda DDU-nyń arnaıy toby pandemııanyń sebepterin zertteý úshin alǵash koronavırýs anyqtalǵan Ýhan qalasyna barǵan edi. Sol kezde sarapshylar vırýstyń shyǵýynyń tórt nusqasyn qarastyrdy: adamnyń jarqanattardan tikeleı ınfekııa juqtyrýy, ortada basqa da janýardan juqtyrý deregi, tamaq ónimderi arqyly berilýi jáne jasandy shyǵarý deregi, ıaǵnı zerthanada jasalýy.

Nátıjesinde naýryz aıynda uıym ókilderi tergeýdiń aldyn-ala nátıjelerin jarııalady. Onda «vırýs zerthanada jasaldy» degen boljam múldem shyndyqqa janaspaıtyny aıtylǵan. Naqty derekter alda belgili bolmaq.

"Adyrna" ulttyq portaly.

Pikirler