Qytaıda koronavırýs indeti qaıta órshýi múmkin. Bul jaıly "Adyrna" ulttyq portaly Bloomberg basylymyna silteme jasaı otyryp jazady.
Basylymnyń málimetinshe, mamyr aıynyń sońyna qaraı indet juqtyrǵandar sany aptasyna 45 mln-ǵa, al bir aıdan keıin tipti 65 mln-ǵa jetýi múmkin.
"Vırýstyń qaıta órshýiniń birneshe sebebi bar. Atap aıtqanda, Qytaıdyń pandemııaǵa qarsy COVID Zero saıasatynyń toqtaýy, bastapqy kezde qaraǵanda ujymdyq ımmýnıtettiń álsireýi jáne Omıkron shtamynyń el arasynda keńinen taraýy syndy belgiler indetti qaıta órshitýi ǵajap emes", – dep jazady basylym.
Esterińizge sala keteıik, 5 mamyr kúni Dúnıejúzilik densaýlyq saqtaý uıymy COVID-19 vırýsynyń toqtaǵanyn habarlaǵan. Aqparatta tumaýdyń budan bylaı álemdge tóngen tótenshe qaýip túri emes ekeni aıtyldy. Málimdemeden keıin Qazaqstandaǵy syrqattaný statıstıkasynyń da jarııalanýy toqtady.
