Almatyda beketter ornatylyp, qala aýmaǵyna tiri mal ótkizýge tyıym salyndy dep habarlaıdy "Adyrna" ulttyq portaly "Eýrazııa" arnasyna silteme jasap.
Bul — qasıetti Qurban aıt merekesi qarsańynda kópshilik indet juqtyryp almas úshin jasalyp jatqan shara. Jańa qaýlyǵa sáıkes, megapolıstegi mal soıatyn ehtar men bazarlardyń jumys istemeıdi, maldy avtokólikter men jekemenshik úılerde satýǵa jáne soıýǵa bolmaıdy.
Nıet etken jandar onlaın tapsyrys berip, olardyń qurbandyǵy meshitte ǵana shalynbaq. Budan bólek, tórt túliktiń eti ınternet arqyly tapsyrys bergenderge taratylady.
"Soıylǵan maldyń etin der kezinde taratý boıynsha osy Múftııattyń janynan qurylǵan jumysshy topqa qosymsha volonterlar tartylatyn bolady. Olar der kezinde muqtaj jandarǵa etterdi úlestirýge kómektesetin bolady. Osy jyly da qurban2021.kz saıty arqyly ótinimder qabyldanatyn bolady. Óz kezeginde qalalyq ákimdik tarapynan barlyq karantın talaptary saqtalýyn qamtamasyz etý boıynsha monıtorıngtik jumystar júrgiziledi", — deıdi Almaty qalalyq din isteri jónindegi basqarma basshysynyń orynbasary Erǵalı Qosheke.
Jańa qaýlyǵa sáıkes, meshitterde Aıt namazy da oqylmaıdy. Sonymen qatar uıymdar, jeke úıler men medreselerde, adamdar kóp jınalatyn oryndarda is-sharalar ótkizýge tyıym salyndy. Shekteýler 22 shildege deıin jalǵasady. Al, qurban shalǵan azamattardyń barlyǵyna bul rásimniń qalaı júrgizilgeni vıdeo, sýretter arqyly jiberiletin bolady.
Aıta ketý kerek, mundaı sharalar elimizdiń kóp bóliginde ótkiziledi. Bul eldegi epıdemıologııalyq jaǵdaımen baılanysty bolyp otyr.
"Adyrna" ulttyq portaly.
