Bul — kóbimizdiń basynan ótken, kóbimizge qoıylǵan suraq. Ipoteka alǵysy kelgen jaqyn týysyńyz, dosyńyz, tanysyńyz tabysy jetpeı bank "sozaemık alyp kelińiz" dep jibergende, sizden kómek surap kelýi múmkin.
Sozaemık bolýdyń qandaı jaýapkershiligi bar?
Eger múmkindigińiz jetip tursa, jaqyn adamǵa kómek qolyn sozǵan durys. Siz oǵan ǵana emes, onyń otbasyna da shapaǵatyńyzdy tıgizesiz. Al eger moraldik jaǵyn alyp tastap, praktıkalyq turǵydan qarasaq, siz úshin bul qadamnyń úlken táýekelderi de bar:
1. Qaryzdy teńdeı alyp otyrsyzdar dep esepteledi. Eger ol adam qaryzyn qaıtara almasa, bank sizdi de jaýapqa tartady.
2. Sizde de ıpoteka bar dep esepteledi. Onda ózińiz "7-20-25", "Baspana hıt" syndy baǵdarlamalarmen nesıe ala almaısyz.
3. Ipoteka ýaqytyly tólenbese, sizdiń de nesıe tarıhyńyz buzylatyn bolady.
Sozaemık pe, garant pa?
Osy eki uǵymdy kóbimiz bir nárse dep oılaımyz. Ol durys emes. Garanttyń sharttary basqa. Sozaemık týraly joǵaryda aıttym. Al garanttyń odan aıyrmashylyǵy - ol nesıeniń ýaqytyly qaıtarylýyna ózi tarapynan kepil beredi. Biraq ol qaryz alýshy sanatyna jatpaıdy. Sondyqtan garantta ıpoteka bar dep eseptelmeıdi.
Biraq tıisinshe, negizgi qaryz alýshy kredıtti qaıtara almaı jatsa, bank aldynda garant ta jaýap beredi.
Aıbar OLJAEV,
"Adyrna" ulttyq portaly.
