Túrmege tyıym salynǵan zattardy ótkizbek bolǵan qyzylordalyq júk tasymaldaýshy ustaldy, dep habarlaıdy «Adyrna» tilshisi Qyzylorda oblysy boıynsha QAJD-ǵa silteme jasap.
9 shildede Qyzylorda oblysy boıynsha QAJ departamentine qarasty ZK-169/5 mekemesiniń qyzmetkerlerimen mekemege ótpek bolǵan KamAZ júk kóligindegi ement salynǵan qaptardy tekserý barysynda sottalǵandardyń paıdalanýy men qoldanylýyna tyıym salynǵan zattar anyqtalǵan.
«Jedel túrde “102” nómirine habarlanyp, mekemege Qyzylorda qalalyq Polıııa basqarmasynyń jedel-tergeý toby shaqyrtyldy. Júk kóligindegi 196 qap ementtiń jeti qabynan 10 jáne 20 gramdyq shprıke nyǵyzdalyp salynǵan 63 dana “ózine tán erekshe ısi bar shóp tektes” zatty, 43 dana uıaly telefon, 14 dana qulaqqap, 33 dana zarıadtaý qurylǵysy, 13 dana SIM-karta, 12 dana nasybaı, 10 dana oıyn kartasy jáne úsh lıtr spırttik ishimdik tárkilenip alyndy»,– delingen habarlamada.
Tárkilengen zattar boıynsha sot saraptama jumystary taǵaıyndaldy. Atalǵan derek boıynsha Qazaqstan Respýblıkasy QK-niń 297-babynyń 1-bóligimen sotqa deıingi tergep-tekserý amaldary júrgizilýde.
«Adyrna» ulttyq portaly
