Bıylǵy Qurban aıtta maldy jón-josyqsyz soımaı, bar maldy saqtap qalý jáne jınalǵan qarajatty qýańshylyq bolyp jatqan Mańǵystaý men Qyzylorda oblystaryna kómek retinde berýge pátýa shyǵarý týraly Bas múftıge usynys jasaldy dep habarlaıdy "Adyrna" ulttyq portaly.
Bas múftıge mundaı usynysty "Qazaqstan" ulttyq telearnasynyń "Ashyq alań" baǵdarlamasynda Ulttyq mal ósirýshiler qaýymdastyǵynyń tóraǵasy Almasbek Sadyrbaev joldady.
— Alda Qurban aıt kele jatyr. Biz sadaqamyzdy berdik. Qazir birqatar óńirlerde mal qyrylyp jatyr. Osy aıtta jınalǵan qarajatty qýańshylyq bolyp jatqan Mańǵystaý men Qyzylorda oblystaryna jibereıik. Bas múftıge bıyl jón-josyqsyz mal soımaı, bar malymyzdy saqtap qalý úshin pátýa shyǵarý týraly usynys bildiremin. Osyndaı qıyn kezeńde ólip jatqan qulyndardy, analyq maldy alyp qalaıyq. Ysyrap demeımin, degenmen bıyl muny toqtatý kerek. Sebebi bul da kómek bolar edi Mańǵystaý men Qyzylordaǵa, — dedi Almasbek Sadyrbaev.
Aıta ketý kerek, bıyl qýańshylyqtyń kesirinen Mańǵystaýda 1147, Qyzylorda oblysynda 492 bas mal ólgen. Osy oraıda bıyl mal azyǵyn daıyndaýdy júzege asyrýǵa memleketten 1,9 mlrd teńge qarjy bólingen.
"Adyrna" ulttyq portaly.
