Mektep därethanasynda 7 jastaǧy nemeremdı zorlady dep janaiqaiyn aitqan aqtöbelık tūrǧynǧa oblystyq bılım basqarmasynyŋ basşysy jauap berdı. Onyŋ aituynşa, 1-synypta oqityn balamdy 9-synyptyŋ tört oquşysy zorlady degen aryzdy anasy №3 polisiia bölımşesıne biyl 31 nauryzda tüsırıptı. Mektep basşylyǧy būl turaly polisiia bölımınde ǧana estıgen. Al zäbır körgen bala bolsa özın qorlaǧandardy naqtylap aita almapty. Basqarma basşysy eger zorlau deregı rastalatyn bolsa, qataŋ jaza qoldanylady dep otyr. Tergeu aiaqtalǧan soŋ mektep äkımşılıgıne qatysty şara qoldanu mäselesı de köterılgen. Jaǧdaidy aimaq äkımı Oŋdasyn Orazalin tıkelei baqylauyna alypty. Būl turaly «Adyrna» ūlttyq portaly «Euraziia» bırınşı arnasyna sılteme jasap habarlaidy.
«Aryz boiynşa kämelettık jasqa tolmaǧan balaǧa qatysty seksualdyq sipattaǧy zorlyq äreket faktısımen qylmystyq ıs tırkelıp, sot-medisinalyq saraptamasy taǧaiyndaldy. Alǧaşqy saraptamasynyŋ qorytyndysy boiynşa, zorlyq faktısı anyqtalǧan joq. Keiın balanyŋ auru tarihy boiynşa qosymşa sot-medisinalyq saraptama taǧaiyndalyp, bügıngı künge deiın jürgızılude», - deidı oblystyq bılım basqarmasynyŋ basşysy Joldas Batyrhan.https://youtu.be/udPxvmNDFoE?t=744
"Adyrna" ūlttyq portaly
