Almaty qalalyq Mádenıet basqarmasyna qarasty «Alataý» dástúrli óner teatry 4–maýsym shymyldyǵyn saltanatty túrde «Berekeli baq orda» atty merekelik konertpen japty.
Keshke kelgen kórermender qarasy kóp boldy. Ulttyq bolmysymyzdy aıqyndaıtyn dástúrli án-kúı, jyr, aıtys ónerimen órilgen keshtiń rejısseri Juldyzbek Jumanbaı. Ata-babalarymyz amanat etip qaldyrǵan halqymyzdyń asyl qazynasyn rejısser kásibı sheberligi men tapqyrlyǵyn ushtastyrý arqyly kórermenge zamanaýı, kóńildi, tańdaı qaqtyrarlyqtaı jańa formattaǵy kesh syılady. Demek ónerdi baptaıtyn naǵyz bapker bolǵanda ǵana sheberliktiń bıik shyńyna kóterilýge bolady. Osy turǵyda merekelik keshke ár berip turǵan «Alataý» ansambiliniń ónerin aıtpaı ótý tipti múmkin emes. Ansambl ónerli jastardan quralǵan. Olardyń barshasy ulttyq aspaptarda oınaýdyń erekshe tehnıkalaryn tereń meńgergen. Búgingi keshte ansambl ujymy tabıǵattaǵy barlyq tiri tabıǵattyń únin aınytpaı bere bildi. Al, jyrshylarymyz ár mekteptiń dástúrin buzbaı, oryndaǵan bolsa, ánshilerimiz án aıtýdyń barlyq qyr-syry men ádisterin meńgergendikterin baıqatty. «Alataý» ónerpazdary keshke jınalǵan halyqtyń rýhanı talap-tilegin qanaǵattandyra bildi. Ólmes óner tilimen ótken ýaqyt pen halqymyzdyń sonaý jyldardaǵy portretin kórermenniń kóz aldyna ákele bildi.
Mundaıdy buryn sońdy estip kórmegen kórermender nazary tek sahnada boldy. Bas aıaǵy bir saǵatqa sozylǵan keshtiń tartymdy ótkendigi sonsha, jınalǵan el konerttiń jalǵasqanyn qalady.
Atalmysh saltanatty keshtiń arnaıy qonaqtary; aqyn, satırık - Ákim Ysqaq pen akter, Qazaqstannyń eńbek sińirgen qaıratkeri – Bekjan Turys pikirlerin bildirdi.
Ákim Ysqaq – aqyn, satırık.
«Trafarettik konert emes ózgeshe bir keremet, qazaqtyń rýhyn, jan dúnıesin, tebirenisin, ómirge degen qulshynysyn kóteretin, zamanaýı ánder men burynǵy ánderdi ushtastyratyn kompozıııa boldy. Teatr artısterine, ánshilerge óte rızamyn, jasaı bersin Alataýdyń óner ordasy, jasaı bersin Alataýdyń dástúrli óner bıigi».
Bekjan Turys – akter, Qazaqstannyń eńbek sińirgen qaıratkeri.
«Men qazaq dalasynan qazaqty izdedim, sol qazaqty osy teatrdan taptym. Endi men sizderdiń turaqty kórermenderińiz bolamyn».
Rınat Zaıtov – «Alataý» dástúrli óner teatrynyń dırektory.
Teatr basshysy ujymdy kezekti maýsymnyń nátıjeli aıaqtalýymen quttyqtap, aldaǵy ýaqytta kórermenderdi tyń, aýqymdy týyndylar kútip turǵanyn aıta ketti.
«Alataý» dástúrli óner teatrynyń negizgi maqsaty ultymyzǵa ǵana tán án (jyr, tolǵaý, aıtys) ónerimizdiń qaımaǵyn buzbaı keler urpaqqa qaz-qalpynda jetkizý.
«Alataý» dástúrli óner teatry
«Ádebıet» bóliminiń mamany; Aqbota Toıbekqyzy
