Türkıstan oblysyndaǧy Qazyǧūrt audanynyŋ tūrǧyndary auyzsuǧa zar bolyp otyr. Tūrǧyndar 10 jyldan berı tırşılık närın jarytyp ışpeptı. Äsırese, jaz mezgılınde halyqtyŋ jaǧdaiy tıptı qiyn dep habarlaidy "Adyrna" ūlttyq portaly «Euraziia» bırınşı arnasyna sılteme jasap.
Jarytyp su ışpegen Eŋbekşı auylynyŋ balalary oiyn degendı müldem ūmytqan. Öitkenı, taŋnyŋ atysymen esegıne ydysyn artyp alyp, auyl ırgesındegı jalǧyz qūdyqtan tırşılık närın tasidy. Tüske deiın tausylyp qalatyn su üşın qūdyq basynda bır-bırımen jaǧa jartysuǧa deiın barady.
Myŋ jarymǧa juyq tūrǧyny bar eldı mekenge 2010 jyly ūŋǧyma men qūbyr tartu üşın oblystyq biudjetten 200 mln teŋgege juyq qarjy bölıngen. Alaida taza suǧa qaryq boldyq dep börıkterın aspanǧa atqan tūrǧyndardyŋ quanşy ekı jyldan keiın su sepkendei basylǧan. Ūŋǧyma auyldy tırşılık närımen qamtamsyz etuge jarasyz bolyp, jyldar öte trubalarynan tesıkter paida bolǧan. Endı aptap ystyqta halyq suǧa jarymai, zar ilep otyr."Osy uaqytqa deiın sudy Mekkeden äkeletın uaqyt boldy. Halyqtyŋ osyndai janaiqaiyn estıgen, halyq degen jany aşityn adam bolatyn bolsa. Mekkeden bolsyn, qai jerden bolsyn jetı qat jerdıŋ astynan bolsa da qazyp, ökımet degen qarjyny aiap jatqan joq. Televizordan künıge estıp jatyrmyz. Pälen million suǧa bölındı, pälen million jolǧa bölındı dep. Bıraq, sol milliondar qane? Qane halyqqa jetıp jatqany?", — deidı aşynǧan auyl tūrǧyny Dariǧa Baltaeva.
Jyǧylǧanǧa jūdyryq bolǧandai, auyz sudyŋ qūbyrynan auylǧa kıreberıs jerdegı bai-baǧlandar men şendı-şekpendıler qoralaryna su tartyp alyp jatyr eken. Al ony tekserıp jatqan bırde-bır şeneunık joq deidı aşynǧan jūrt. "Eŋbekşı auylyna tartylǧan su qūbyrynan sudy jolda äkım, prokuror, bai myrzalar tartyp alǧan qorasyna. Qazırgı taŋda, adam ışetın sudy, mal ışıp otyr", — deidı auyl tūrǧyny Erbol Otbaev.Eŋbekşı auylynda jerasty auyz su qūbyrynyŋ jarylǧanyna bır aiǧa juyqtaǧan. Ony tūrǧyndar şyryldap aitqanymen, jauaptylar eşqandai şara qoldanbaǧan. Audan äkımınıŋ orynbasary Taibek Qalymbetovtıŋ aituynşa, qazır auylda jaǧdai qalypty. Qūbyrlardyŋ aqauy bar bolǧanymen, qazır auyzsu berılude. Jöndeu jūmystary jürıp jatyr. "Qazır bız Tölebi audanynan bır gektar jerdı audandyq JKH bölımınıŋ atyna räsımdep aldyq. Audandyq biudjetten jobalau smetalyq qūjattaryn äzırleuge qarjy bölındı. Qazırgı taŋda 1000-2000 kubtyq su jinaǧyş qoimanyŋ jobalyq- smetalyq qūjattary äzırlenude. Qūrylys jūmystary aiaqtalǧannan keiın su jinaǧyş qoima arqyly bız auyldy 24 saǧat auyzsumen qamtamasyz etetın bolamyz. Būl mäsele kelesı jyly 100 paiyz şeşıletın bolady", — deidı ol.
"Adyrna" ūlttyq portaly.
Ūqsas jaŋalyqtar
