Keshe álemdegi eń iri porttardyń biri — Dýbaıda konteıner kemesinde joıqyn jarylys bolyp, Birikken Arab Ámirlikterindegi saýda ortalyǵynda dúmpýler oryn alǵan dep habarlaıdy «Adyrna» ulttyq portaly «centralasia.media-ǵa» silteme jasap.
Jarylys Djebel-Alı portyndaǵy syıymdylyǵy 130 konteınerge arnalǵan shaǵyn kemede bolǵan.
Órt saldarynan Dýbaıdyń túkpir-túkpirinde dúmpýler bolǵan jáne jarylys porttan 25 km radıýsta sezilgen. Jarylystan keıin shamamen 2,5 saǵat ótken soń Dýbaıdyń azamattyq qorǵanys departamenti órtti baqylaýǵa alǵandyqtaryn jáne qazirgi ýaqytta órt máselesimen aınalysyp jatqandyqtaryn málimdedi.
Aldyn ala málimetter boıynsha jarylystan zardap shekkender joq.
Dýbaıdyń soltústigindegi Djebel-Alı porty bul álemdegi eń iri jasandy tereń sý aılaǵy jáne Úndi sýbkontınentinen, Afrıka men Azııadan keletin júkterge qyzmet kórsetedi. Port — mańyzdy álemdik júk toraby ǵana emes, sondaı-aq Dýbaı men onyń mańyndaǵy ámirlikter úshin mańyzdy ımportty taýarlar aımaǵy.
«Adyrna» ulttyq portaly.
