Qasym-Jomart Toqaev Vladımır Pýtınge kóńil aıtý jedelhatyn joldady, dep habarlaıdy «Adyrna» tilshisi Aqordaǵa silteme jasap.
Memleket basshysy Kamchatka ólkesinde An-26 ushaǵynyń apatqa ushyraýy saldarynan jolaýshylar men ekıpaj músheleriniń qaza bolýyna baılanysty qaıǵyly habardy tereń kúızelispen qabyldady.
– Qazaqstan halqynyń jáne jeke ózimniń atymnan orny tolmas qaıǵyǵa ortaqtasa otyryp, qaza bolǵandardyń jaqyndary men týystaryna kóńil aıtamyn, – delingen Prezıdenttiń jedelhatynda.
Eske sala keteıik, keshe Reseıde 28 adam mingen ushaq qulap, jolaýshylar túgel qaza tapqan bolatyn.
«Adyrna» ulttyq portaly
