Elimizde «Elbasy jylýy» atty keń aýqymdy qaıyrymdylyq jobasy jalǵasyp jatyr. Halyqtyń zor yqylasyna bólengen ıgi shara Elbasynyń bastamasymen uıymdastyryldy dep habarlaıdy "Adyrna" ulttyq portaly.
Bul joly atalǵan joba Taraz, Taldyqorǵan, Oral qalalarynda, sondaı-aq, Almaty jáne Aqmola oblystarynda turatyn 1 000 otbasyny qamtymaq.
Jobanyń maqsaty – az qamtylǵan, kópbalaly jáne erekshe kútimdi qajet etetin balalary bar otbasylardy qoldaý. Is-shara aıasynda muqtaj otbasylarǵa un, kartop, jemis, kúrish, qaraqumyq, sháı, qant, kúnbaǵys maıy sııaqty azyq-túlik pen gıgıenalyq zattar beriledi. Qaıyrymdylyq sharasyna ilikken ár otbasy 130 kılogramǵa deıin taýar alady.
Qazirgi ýaqytta uıymdastyrýshylar qajet taýarlardy Aqmola, Almaty oblystarynyń az qamtylǵan turǵyndaryna jáne Taraz, Taldyqorǵan qalalarynda turatyn ál-aýqaty tómen jandarǵa jetkizip úlgerdi.
Mereke qarsańynda osyndaı paıdaly ári qajetti syılyqtarǵa ıe bolǵandar óz qýanyshtaryn jasyrmady. Óńir turǵyndary akııanyń uıymdastyrýshylary – "Nursultan Nazarbaev" qory men «Degdar» qaıyrymdylyq qoryna shynaıy alǵystaryn jetkizdi.
"Nursultan Nazarbaev" qory atqarýshy dırektorynyń orynbasary Álkeı Marǵulanuly memleketpen qatar qoǵamdyq uıymdardyń jumysy da belgili bir dárejede halqymyzdyń ál-aýqatyn jaqsartýǵa óz úlesin qosý tıis dep sanaıdy.
- Koronovırýs pandemııasy kezinde kóp adamdar jumystarynan aıyrylyp qaldy. Kóp otbasylardyń jalaqasy belgili bir mólsherde qysqaryp, bul jaǵdaı olardyń áleýmettik ál-aýqatyna tikeleı áser etti. Osy oraıda biz «Elbasy jylýy» ıdeıasyn qolǵa alyp, ony qarqyndy júzege asyrýdamyz. Bul qaıyrymdylyq is-shara shildeniń 10-15 deıin jalǵasyn tabady. Elbasynyń ózi de bul qozǵalystyń bastaýyna batasyn bergen edi. Bul jumys endi toqtamaı, jalǵasa berý kerek. Óıtkeni bul joba adamdarǵa senim uıalatyp qana qoımaı, olardyń rýhyn kóterip, qoǵamnyń qamqorlyǵyn sezinýge múmkindik beredi,- dep málimdedi ol.
«Degdar» qorynyń dırektory Laýra Ahmetova málimdegendeı, «Elbasy jylýy» jobasynyń áleýmettik mán-mańyzy zor.
- Jalpy, bul akııa ekinshi ret ótkizilip jatyr, alǵash ret joba osy jyldyń sáýirinde uıymdastyrylǵan edi. Osy ýaqyt aralyǵynda biz bul jobanyń qoǵam úshin qanshalyqty mańyzdy ekendigine kóz jetkizdik. Halqymyz ózara kómek berýge, qajet kezde qol ushyn sozýǵa qashanda daıyn. Bul ıgi dástúr halqymyzdyń boıyndaǵy – asyl qasıetterdiń biri. Osy qundylyqtardyń negizinde «Elbasy jylýy» jobasy dúnıege keldi. Bul bastama ózge uıymdarǵa jáne barsha qazaqstandyqtarǵa jarqyn úlgi bolyp, mindetti túrde jalǵasyn tabady dep senemin. Biz árdaıym qamqorlyqqa muqtaj, júrek jylýyna zárý jandarǵa kómektesýga daıynbyz,- dedi Laýra Ahmetova.
Eske salsaq, áleýmettik turǵydan osal otbasylarǵa taratylatyn azyq-túlik taýarlarynyń jalpy salmaǵy – 120 tonna. Aýqymdylyǵy jaǵynan teńdesi joq akııa áli de jalǵasýda.
Is-sharanyń uıymdastyrýshylary – "Nursultan Nazarbaev" qory men «Degdar» qaıyrymdylyq qory, sondaı-aq jobaǵa "LIDER KZ" volonterlik qozǵalysynyń músheleri atsalysýda.
"Adyrna" ulttyq portaly.
