Aqtöbede Elorda künıne orai Triatlon parkı aşylyp, futboldan halyqaralyq turnir ūiymdastyryldy dep habarlaidy "Adyrna" ūlttyq portalynyŋ tılşısı.
Qazaqstan Täuelsızdıgınıŋ 30 jyldyǧyna jäne Elorda künıne arnalǧan «Densaulyq jarysy» sporttyq şarasy jaŋadan paidalanuǧa berılgen Triatlon parkınıŋ aumaǧynda öttı.
Biznestıŋ äleumettık jauapkerşılıgı aiasynda paidalanuǧa berılgen Triatlon parkınıŋ ūzyndyǧy — 2,5 şaqyrym. Mūnda velosipedşılerge, jeŋıl atletterge jäne jaiau jürgınşılerge arnalǧan arnaiy jolaqtar bar.
Şaranyŋ aşyluynda qūttyqtau söz söilegen oblys äkımı Oŋdasyn Orazalin täuelsızdık jyldarynda oblys kölemınde būqaralyq sportqa jaqsy köŋıl bölınıp, sporttyq şaralar men salauatty ömır saltyn qalyptastyruǧa jan-jaqty jaǧdai jasalyp jatqanyn atap öttı.
- El Täuelsızdıgınıŋ 30 jyldyǧy jäne Elorda künı qarsaŋynda ūiymdastyrylyp otyrǧan būl şara qalamyzdaǧy köptegen sportsüier qauymynyŋ köz quanyşyna ainalyp otyr. Mereke qarsaŋynda Batys öŋırınde teŋdesı joq triatlon saiabaǧynda jaiau jürgınşılerge, veloşabandozdarǧa jäne jügıruşılerge arnalǧan jol el igılıgıne paidalanuǧa berılıp otyr. Aldaǧy uaqytta saiabaqtyŋ ışın abattandyryp, otyrǧyştar qoiyp, türlı jemıs aǧaştaryn otyrǧyzyp, kögaldandyru jūmystaryn odan ärı arttyra tüsemız. Būl saiabaqta qala tūrǧyndarynyŋ emın-erkın seruendep, sportpen şūǧyldanyp, jaqsy demaluyna barynşa qolaily jaǧdai jasalatyn bolady, — dedı O.Seiılūly.
Būdan keiın oblys äkımı Qazaqstan Täuelsızdıgınıŋ 30 jyldyǧyna jäne Elorda künıne orai futboldan oblys äkımınıŋ kubogy üşın ūiymdastyrylǧan V halyqaralyq turnir jeŋımpazdaryn marapattau şarasyna qatysty.
Turnirge 8 komanda qatysyp, jarys qorytyndysy boiynşa körşıles Özbekstan Respublikasynyŋ «Bunedkor» komandasy I oryndy jeŋıp alsa, II oryndy Aqtöbe futbol komandasy, III oryndy özbekstandyq «Nasaf» futbol komandasy ielendı.
Şarada Aqtöbe oblysy äkımınıŋ kubogy turnirı eŋ perspektivaly jäne dästürlı türde bola alatyn barlyq mümkındıkterge ie bolyp otyrǧandyǧy aityldy.
Şaralardan keiın öŋır basşysy Aqtöbe qalasyndaǧy «Ten Qogam» mügedekterdı äleumettık qoldau ortalyǧyn aralap kördı.
«Aqtöbe qalalyq sal auruyna şaldyqqan azamattardy qoldau ortalyǧy» qoǧamdyq bırlestıgı direktory Qūralai Baimenova oblys äkımıne jaŋa ǧimaratty körsetıp, ūiymnyŋ jūmysymen tanystyryp öttı.
Atap öteiık, bügıngı künı oblysta 27 550 mügedek tūrady, onyŋ ışınde 4 292 18 jasqa deiıngı mügedek balalar. Būl joba «Nur Otan» partiiasy sailaualdy baǧdarlamasynyŋ «Özgerıster joly: barşaǧa laiyqty ömır!» jol kartasy aiasynda memlekettık-äleumettık tapsyrys şeŋberınde mügedekterdıŋ ömır süru sapasyn jaqsartu maqsatynda jüzege asyryluda.
Jobanyŋ maqsaty - mügedekterdı psihologiialyq qoldau, jūmyspen qamtuǧa järdemdesu jäne ızdeu, jūmysqa ornalastyru jäne jūmys ornyn saqtau salasyndaǧy äleuettı arttyru, mügedekterdı tūrmystyq jäne äleumettık daǧdylarǧa üiretu maqsatynda tiımdı ömır süru olardy qoǧamǧa beiımdeu. Ortalyqta qūqyqtyq, psihologiialyq, äleumettık-pedagogikalyq, bılım beru jäne basqa mäseleler boiynşa aqparattyq, konsultasiialyq jäne resurstyq qoldau, kündelıktı jäne äleumettık daǧdylardy, sonymen qatar qazırgı zamanǧy adamnyŋ daǧdylaryn üiretu jūmystary jaqsy jolǧa qoiylǧan. Mūnda jyl aiaǧyna deiın ai saiyn 30 jäne odan da köp adamǧa mümkındıgı şekteulı 200 adamǧa qyzmet körsetu josparlanyp otyr. 2021 jyly oblysta jūmyspen qamtuǧa järdemdesudıŋ qoldanystaǧy baǧdarlamalary şeŋberınde 883 mügedektı jūmysqa ornalastyruǧa kömek körsetu josparlanuda. Aǧymdaǧy jyldyŋ 1 şıldesındegı jaǧdai boiynşa 479 mügedek nemese 54,3% tūraqty jäne uaqytşa jūmyspen qamtylǧan.
"Adyrna" ūlttyq portaly.
