6 şılde – Astana künı ekenı belgılı. 2020 jyldyŋ nauryz aiynda elımızde alǧaşqy koronavirus jaǧdaiy tırkelıp, sodan berı bıraz mereke toilanbai kele jatyr. Arada 1 jyldan ūzaq uaqyt ötse de, jaǧdai tūraqtalmady. Pandemiianyŋ qatarynan bırneşe tolqyny boldy. Dese de byltyr däl osy mereke toilanǧan bolatyn. Biyl qalai bolady? Qala künı toilana ma?
2020 jyly Astana künı qalai toilandy?
Esterıŋızde bolsa, koronavirustan ölım-jıtımnıŋ ösuı kezınde 6 şıldede Astana künıne arnalǧan auqymdy merekelık otşaşu ūiymdastyryldy. Otşaşu Esıl özenınıŋ jaǧalauynda, Botanikalyq baq jäne Puşkin – Abylaihan köşelerınıŋ qiylysynda boldy. Otşaşuǧa biudjetten qarjy bölınbegen, demeuşı qarajaty esebınen ūiymdastyrylǧan. Būǧan aşulanǧan halyq otşaşuǧa bailanysty qala äkımdıgıne şaǧymdanǧan edı. Öz kezegınde Nūr-Sūltan äkımdıgı jauapsyz qalmai, pandemiianyŋ qyzǧan uaqytynda ūiymdastyrylǧan otşaşuǧa bailanysty tüsınık berdı.«Astana künıne otşaşu jyl basynda josparlanǧan bolatyn, demeuşıler materialdar satyp alyp, oryndardy anyqtady. Būl feierverk qala tūrǧyndarynyŋ köŋıl-küiın köteruge, koronaviruspen küreste aldyŋǧy qatarda tūrǧan medisina qyzmetkerlerın qoldauǧa arnalǧan», – dedı qala äkımdıgı.
İK. «5000» klipı nemese «Astana künı»
2020 jyly 29 jeltoqsanda jastar arasynda tanymal İrina Kairatovna tobynyŋ «5000» klipı jaryqqa şyqty. Klipte Nūr-Sūltandaǧy LRT qūrylysy, jemqorlyq, tiktok jelısındegı chellendj, koronavirus pandemiiasyna bailanysty jariialanǧan karantin şaralary, Astana künı turaly söz bolady. İdeia avtory osy oidyŋ bärın 5 minutqa syiǧyzyp beredı. Komanda rejisserı Quanyş Beisekov reseilık jurnalist Iýrii Dudke bergen sūhbatynda kliptegı Astana künıne arnalǧan sät turaly pıkırın aitty.«Bızde 6 şılde – Astana künı degen meiram bar. Bız ony jyl saiyn atap ötemız. Al 2020 jyl – halyqtyŋ koronavirustan jappai qaitys bolyp jatqan kezı edı. Şıldede ölım körsetkışı eŋ joǧary deŋgeige jettı. Halyqqa emdeluge, därı-därmekke aqşa jetpei jatqanda, qatarlasyp astana künı toilanyp, otşaşu atyldy. Būl köpşılıktı, menı de aşulandyrdy. Sondyqtan osy detaldy klipke qostyq», – deidı Quanyş Beisekov.https://youtu.be/Jk7Ff9s2nkw
Biyl Elorda künı toilana ma?
2021 jyly Elorda künıne arnalǧan ıs-şaralar onlain formatta ötedı. Būl turaly qala äkımdıgınıŋ resmi internet-resursynda jariialandy.«Epidemiologiialyq jaǧdaidyŋ saldarynan elorda künıne arnalǧan ıs-şaralar onlain formatta ötetın boldy, al qalǧan bölıgı ötkızılmeidı. Aşyq auadaǧy attraksionnyŋ barlyq türınıŋ jūmysyna tyiym salynady. Tolymdylyǧy 20%-dan aspaityn teatrlardyŋ, sondai-aq PTR-testterı bar jyljymaly konsertterdıŋ jūmysyna ǧana rūqsat etılmek», – delıngen habarlamada.Elordanyŋ bas memlekettık sanitarlyq därıgerı Sarhat Beisenovanyŋ qaulysyna säikes, jabyq oryndar men konsert zaldardaǧy ıs-şaralarǧa tyiym salynǧan. Elorda künın merekeleu äleumettık jobalarǧa arnalady jäne tek äleumettık sipatta bolady. Naqtyraq aitqanda, halyqtyŋ äleumettık osal toptary arasynda kezekte tūrǧandarǧa baspana kıltın tabystau, qūrylysy ūzaqqa sozylǧan 20-ǧa juyq üidı aiaqtau, Öndırıs jäne Köktal audandaryndaǧy ırı dene şynyqtyru-sauyqtyru keşenderınıŋ qūrylysyn aiaqtap, paidalanuǧa beru ıs-şarasy ötedı.
Astana künı otşaşu bola ma?
Nūr-Sūltan qalasynyŋ äkımı Altai Kölgınov biyl Astana künı qalai ötetının onlain rejimde ötken halyqqa esep beru kezdesuınde aitty.«Astana künı qala tūrǧyndary üşın erekşe kün, adamdar toilaǧysy keledı. Bıraq bız öz josparymyzdy qazırgı epidemiologiialyq jaǧdaiǧa qarai özgerttık», - dedı Kölgınov.Ol jyldyŋ basynda bırqatar şaralardy ötkızu jospary bolǧandyǧyn da aityp öttı. Alaida sanitarlyq därıgerlerdıŋ soŋǧy talaptarynan keiın jabyq nysandardaǧy ıs-şaralardy onlain formatqa auystyruǧa şeşım qabyldandy. Bıraz şara ötpeitın boldy.
«Astana künıne arnalǧan otşaşu bola ma?» degen tılşıler sūraǧyna äkım: «Josparlanyp otyrǧan joq» dep qysqa ǧana jauap berdı.
Daiyndaǧan: Aqmaral BEREKET,
«Adyrna» ūlttyq portaly
