6 shilde – Astana kúni ekeni belgili. 2020 jyldyń naýryz aıynda elimizde alǵashqy koronavırýs jaǵdaıy tirkelip, sodan beri biraz mereke toılanbaı kele jatyr. Arada 1 jyldan uzaq ýaqyt ótse de, jaǵdaı turaqtalmady. Pandemııanyń qatarynan birneshe tolqyny boldy. Dese de byltyr dál osy mereke toılanǵan bolatyn. Bıyl qalaı bolady? Qala kúni toılana ma?
2020 jyly Astana kúni qalaı toılandy?
Esterińizde bolsa, koronavırýstan ólim-jitimniń ósýi kezinde 6 shildede Astana kúnine arnalǵan aýqymdy merekelik otshashý uıymdastyryldy. Otshashý Esil ózeniniń jaǵalaýynda, Botanıkalyq baq jáne Pýshkın – Abylaıhan kósheleriniń qıylysynda boldy. Otshashýǵa bıýdjetten qarjy bólinbegen, demeýshi qarajaty esebinen uıymdastyrylǵan. Buǵan ashýlanǵan halyq otshashýǵa baılanysty qala ákimdigine shaǵymdanǵan edi. Óz kezeginde Nur-Sultan ákimdigi jaýapsyz qalmaı, pandemııanyń qyzǵan ýaqytynda uıymdastyrylǵan otshashýǵa baılanysty túsinik berdi.
«Astana kúnine otshashý jyl basynda josparlanǵan bolatyn, demeýshiler materıaldar satyp alyp, oryndardy anyqtady. Bul feıerverk qala turǵyndarynyń kóńil-kúıin kóterýge, koronavırýspen kúreste aldyńǵy qatarda turǵan medıına qyzmetkerlerin qoldaýǵa arnalǵan», – dedi qala ákimdigi.
IK. «5000» klıpi nemese «Astana kúni»
2020 jyly 29 jeltoqsanda jastar arasynda tanymal Irına Kaıratovna tobynyń «5000» klıpi jaryqqa shyqty. Klıpte Nur-Sultandaǵy LRT qurylysy, jemqorlyq, tıktok jelisindegi chellendj, koronavırýs pandemııasyna baılanysty jarııalanǵan karantın sharalary, Astana kúni týraly sóz bolady. Ideıa avtory osy oıdyń bárin 5 mınýtqa syıǵyzyp beredi. Komanda rejısseri Qýanysh Beısekov reseılik jýrnalıst Iýrıı Dýdke bergen suhbatynda klıptegi Astana kúnine arnalǵan sát týraly pikirin aıtty.
«Bizde 6 shilde – Astana kúni degen meıram bar. Biz ony jyl saıyn atap ótemiz. Al 2020 jyl – halyqtyń koronavırýstan jappaı qaıtys bolyp jatqan kezi edi. Shildede ólim kórsetkishi eń joǵary deńgeıge jetti. Halyqqa emdelýge, dári-dármekke aqsha jetpeı jatqanda, qatarlasyp astana kúni toılanyp, otshashý atyldy. Bul kópshilikti, meni de ashýlandyrdy. Sondyqtan osy detaldy klıpke qostyq», – deıdi Qýanysh Beısekov.
Bıyl Elorda kúni toılana ma?
2021 jyly Elorda kúnine arnalǵan is-sharalar onlaın formatta ótedi. Bul týraly qala ákimdiginiń resmı ınternet-resýrsynda jarııalandy.
«Epıdemıologııalyq jaǵdaıdyń saldarynan elorda kúnine arnalǵan is-sharalar onlaın formatta ótetin boldy, al qalǵan bóligi ótkizilmeıdi. Ashyq aýadaǵy attrakıonnyń barlyq túriniń jumysyna tyıym salynady. Tolymdylyǵy 20%-dan aspaıtyn teatrlardyń, sondaı-aq PTR-testteri bar jyljymaly konertterdiń jumysyna ǵana ruqsat etilmek», – delingen habarlamada.
Elordanyń bas memlekettik sanıtarlyq dárigeri Sarhat Beısenovanyń qaýlysyna sáıkes, jabyq oryndar men konert zaldardaǵy is-sharalarǵa tyıym salynǵan.
Elorda kúnin merekeleý áleýmettik jobalarǵa arnalady jáne tek áleýmettik sıpatta bolady. Naqtyraq aıtqanda, halyqtyń áleýmettik osal toptary arasynda kezekte turǵandarǵa baspana kiltin tabystaý, qurylysy uzaqqa sozylǵan 20-ǵa jýyq úıdi aıaqtaý, Óndiris jáne Kóktal aýdandaryndaǵy iri dene shynyqtyrý-saýyqtyrý keshenderiniń qurylysyn aıaqtap, paıdalanýǵa berý is-sharasy ótedi.
Astana kúni otshashý bola ma?
Nur-Sultan qalasynyń ákimi Altaı Kólginov bıyl Astana kúni qalaı ótetinin onlaın rejımde ótken halyqqa esep berý kezdesýinde aıtty.
«Astana kúni qala turǵyndary úshin erekshe kún, adamdar toılaǵysy keledi. Biraq biz óz josparymyzdy qazirgi epıdemıologııalyq jaǵdaıǵa qaraı ózgerttik», - dedi Kólginov.
Ol jyldyń basynda birqatar sharalardy ótkizý jospary bolǵandyǵyn da aıtyp ótti. Alaıda sanıtarlyq dárigerlerdiń sońǵy talaptarynan keıin jabyq nysandardaǵy is-sharalardy onlaın formatqa aýystyrýǵa sheshim qabyldandy. Biraz shara ótpeıtin boldy.
«Astana kúnine arnalǵan otshashý bola ma?» degen tilshiler suraǵyna ákim: «Josparlanyp otyrǵan joq» dep qysqa ǵana jaýap berdi.
Daıyndaǵan: Aqmaral BEREKET,
«Adyrna» ulttyq portaly
