Elbasy Qytaı Halyq Respýblıkasynyń Qazaqstandaǵy tótenshe jáne ókiletti elshisi Chjan Sıaony qabyldady. Bul týraly Elbasy.kz saıty jazdy, dep habarlaıdy «Adyrna» ulttyq portaly.
Ol elshini Qytaı kommýnıstik partııasynyń qurylǵanyna 100 jyl tolýymen quttyqtap, Qytaı kommýnıstik partııasy Ortalyq komıteti bas hatshysy Sı zınpınge jyly lebizin joldady.
«Búgin Qytaı Kommýnıstik partııasynyń 100 jyldyǵy atalyp ótilýde. Tóraǵa Sı zınpındi jáne barsha qytaı halqyn osy aıtýly kúnmen quttyqtaımyn. Osy jyldar ishinde Qytaı Halyq Respýblıkasy alǵa qaraı úlken qadam jasady. Kommýnıstik partııanyń jospary Qytaıdyń áli de nyǵaıyp, damı beretinin kórsetip otyr», – dedi Qazaqstannyń tuńǵysh prezıdenti.
Elbasy Qazaqstan men Qytaı arasyndaǵy máńgilik jan-jaqty strategııalyq seriktestiktiń damýynyń oń qarqynyn atap ótti.
«Qytaı Halyq Respýblıkasy álemdik aýqymdaǵy qýatty memleketke aınaldy. Ekonomıkasy dúnıe júzi boıynsha ekinshi orynda jáne tehnologııalyq damý deńgeıi joǵary. Kedeılikpen kúres máselesinde de Qytaı úlken qadam jasady. Men árdaıym bizdiń qarym-qatynasymyzdy qoldap kelemin», – dedi Nazarbaev.
Óz kezeginde Chjan Sıao Elbasyǵa quttyqtaýy úshin alǵysyn bildirip, 1 shilde – Qytaı Kommýnıstik partııasynyń músheleri úshin eń erekshe ári umytylmas kúnderdiń biri ekenin aıtty.
«Sizge jaqyn dosyńyz tóraǵa Sı zınpınniń eń izgi tilegi men ystyq sálemin jetkizgim keledi. Sizdiń 6 shildede ótetin Álemdik saıası partııalar kóshbasshylarynyń sammıtine qatysý týraly sheshimińizdi joǵary baǵalaımyz. Bul óte mańyzdy oqıǵa», – dedi elshi.
Chjan Sıao jıynǵa Nazarbaevtyń qatysýy Qazaqstan-Qytaı qarym-qatynasyn damytýǵa jáne Qytaı kommýnıstik partııasy men Nur Otan arasyndaǵy partııaaralyq baılanysty arttyrýǵa serpin beretinin atap ótti.
"Adyrna" ulttyq portaly
