Tursynbek Qabatovtyń mınıstr Ashat Aımaǵambetovtiń vakına alýyna qatysty qaljyńyna Bilim jáne ǵylym mınıstrligi jaýap berdi, dep habarlaıdy «Adyrna» ulttyq portaly Tengrinews.kz saıtyna silteme jasap.
Birneshe aı buryn Tursynbek Qabatov konertteriniń birinde shendilerdiń arasynan QazVac qazaqstandyq vakınasyn alǵashqy bolyp nege bilim jáne ǵylym mınıstri Ashat Aımaǵambetov saldy eken deıdi. Qaljyńdap vakınany birinshi bolyp kim alatynyn úkimet otyrysynda qalaı anyqtaǵanyn oılap kóredi.
«Meniń oıymsha, tamyzǵa deıin Prezıdent barlyǵyn jınap bylaı dedi: «Biz mynadaı vakına shyǵardyq. Endi halyqtan emes, ózimizden bastaıyq». Sonda depýtattar bylaı deıdi: «Joq, bizde jaqynda saılaý, úgit-nasıhat júrgizý kerek. Ýaqytymyz joq», al ákimder: «Bizde jylytý maýsymy, jaqynda qys. Biz vakına ala almaımyz. Odan da mınıstrler bastasyn». Aýyl sharýashylyǵy mınıstri aıtady: «Jaqynda egistik jınaımyn. Máselem óte kóp». Aralaryndaǵy eń jasy Aımaǵambetov otyr. Bári Aımaǵambetovke qarap, oılaǵan shyǵar: «Báribir balalar úıden, onlaın oqyp jatyr. Stýdentter de úıde. Odan da senen bastaıyq. Sen de qashyqtan jumys isteısiń».
Jaqynda osy úzindi Tik Tok jelisinde tanymal bola bastady. Vıdeo 185 myńnan asa qaralym men 7 myń laık jınaǵan.
Redakııamyz mınıstrdiń baspasóz-hatshysy Móldir Ábdýalıevadan Aımaǵambetovtiń nelikten alǵash bolyp vakına alǵanyn surady.
«Tik Tok jelisinde mınıstrler kabınetinen Ashat Aımaǵambetovtiń nelikten alǵash bolyp vakına saldyrǵany jaıly qaljyń aralas saýaldyń vıdeosy taraı bastady. Eske salaıyq, Prezıdent Qasym-Jomart Toqaev QazVac vakınasynyń óndirisin ǵana emes, qoldanysqa enýin de qoldaýdy talap etken. Vakınany Bilim jáne ǵylym mınıstrligi Bıologııalyq qaýipsizdik problemalarynyń ǵylymı-zertteý ınstıtýtynyń qyzmetkerleri jasady. Mınıstr basynan vakınanyń jasalýyna jetekshilik etti. Sondyqtan klınıkalyq zertteýlerden buryn ázirleýshi-ǵalymdar vakına saldyrý jaıly sheshim jasaǵan, ol otandyq vakınany alýǵa bel baılady. Osylaısha óz áriptesterine qoldaý kórsetip, densaýlyǵyn da qorǵady», – dedi baspasóz-hatshysy.
Bilim jáne ǵylym mınıstrligindegiler Ashat Aımaǵambetovtiń bir jyl buryn vakına alǵanyn jáne eshqandaı janama áseri bolmaǵanyn aıtty. Sonymen qatar, mınıstrdiń aǵzasynda antıdeneler mólsheriniń joǵary ekenin de qosty.
«Aıtpaqshy, naýryzda mınıstr dál sol vakınanyń ekinshi dozasyn saldyrdy. Ózin birqalypty sezinedi, janama áser joq. Bilim jáne ǵylym mınıstri qazaqstandyqtardy ózderin kútýge jáne COVID-19-ǵa qarsy vakına saldyrýǵa shaqyrady. Ol óz áreketi arqyly otandyq ǵylym men ǵalymdarǵa senetinin kórsetti», – dedi Móldir Ábdýalıeva.
Ashat Aımaǵambetov COVID-19-ǵa qarsy otandyq vakınany alǵash bolyp 2020 jyldyń tamyzynda saldyrǵan edi.
"Adyrna" ulttyq portaly
