Esterińizde bolsa, 11 maýsym kúni Aqordany, UQK-ni jáne basqa da strategııalyq mańyzdy nysandardy dronmen áýeden vıdeoǵa túsirip júrgen Lıý Haý esimdi Qytaı azamaty ustalǵan. Nege.kz portaly Qytaılyq «shpıonǵa» qatysty keıbir jaıttardy anyqtady, dep habarlaıdy “Adyrna” ulttyq portaly.
Biz osy oqıǵaǵa baılanysty Qazaqstandaǵy QHR elshiligine, UQK tóraǵasy K.Másimovke Ishki ister mınıstri E.Turǵymbaevqa jáne Nur-Sultan qalasy Polıııa departamentiniń basshysy E.Sádenovke resmı saýal joldaǵanbyz.
QHR elshiliginen áli jaýap kelgen joq. Ádette daýly málimdeme jasap, júrgen jerin shýlatyp júretin elshi Chjan Sıao jaýap berýdi qajet dep tappaýy múmkin. Sebebin ishińiz bilsin…
Ulttyq qaýipsizdik komıteti de ázirge tym-tyrys. IIM-niń baspasóz qyzmeti «tirkelgen fakti negizinde QR ÁQBK-nyń 563-baby (QR áýe keńistigin paıdalaný tártibin buzý) boıynsha ákimshilik materıal jınaqtalǵanyn, materıaldardy QR Indýstrııa jáne ınfraqurylymdyq damý mınıstrliginiń Azamattyq avıaııa komıtetine joldaý josparlanyp otyrǵanyn» jazypty.
Tek Nur-Sultan qalalyq Polıııa departamentinen tam-tumdap aqparat alǵandaı boldyq. Departament basshysynyń birinshi orynbasary B.Malybaevtyń jaýaby tómendegideı:
«2021 jyldyń 11 maýsymynda Polıııa departamentiniń qyzmetkerlerimen Nur-Sultan qalasy Trıatlon parkiniń aýmaǵynda Qytaı Halyq Respýblıkasy azamaty Liu Hao «DJJ» markaly drondy qoldana otyryp, elordanyń ózine unaǵan ǵımarattaryn beınejazbaǵa túsirý arqyly Qazaqstan Respýblıkasynyń áýe keńistigin paıdalaný tártibin buzǵany anyqtaldy. Atalǵan fakti Nur-Sultan qalasy «Almaty» aýdanynyń Polıııa basqarmasynyń aqparatty esepke alý kitabyna №217111030016973 sanymen tirkelgen.
2021 jylǵy 12 maýsymda Qytaı azamatyna qatysty jınaqtalǵan materıaldar, Qazaqstan Respýblıkasy Ákimshilik quqyq buzýshylyq týraly Kodeksiniń 563-babyna sáıkes ákimshilik jaýpkershilikti qarastyrý úshin «Azamattyq avıaııa komıtetine» joldanǵanyn habarlaımyz.
Liu Hao-nyń Qazaqstan Respýblıkasynyń aýmaǵyna kelýi jónindegi qujattaryn Departamenttiń Kóshi-qon qyzmeti basqarmasynyń qyzmetkerleri tekserip, kelý maqsaty iskerlik (jumys babymen) ekenin, kóshi-qon salasynda quqyq buzýshylyqtar anyqtalmaǵanyn habarlaımyz».
Iaǵnı, ázirge qytaılyq Lıý haýdy «isker» dep qabyldaımyz. Óıtkeni memleketimizdiń qaýipsizdigin qamtamasyz etetin UQK de, Prezıdenttiń qaýipsizdigine tikeleı jaýapty Memlekettik kúzet qyzmeti de bul oqıǵaǵa baılanysty resmı málimdeme jasaǵan joq.
Jalpy, shpıondardyń shetelde áshkerelenip qalýy kóp jaǵdaıda halyqaralyq daýlarǵa túrtki bolǵanymen, anaý aıtqandaı tosyn jańalyq sanalmaıdy. Keıbir elder ustalyp qalǵan shpıondaryn arnaıy kelisimmen almastyryp alyp jatady. Sondyqtan mundaı «barys-kelister» buǵan deıin de bolǵan, budan keıin de bola bermek.
Bul jerde suraq basqa bolsa kerek-ti: Qazaqstanda Qytaıdyń qansha «iskeri» júr? Memlekettiń jáne Memleket basshysynyń qaýipsizdigine jaýapty organdar olar týraly bile me?!
