Atyraý oblysynyń ákimi Mahambet Dosmuhambetov bilim sapasyn kóterý jumystaryn kúsheıtýge tapsyrma berdi.
Oblys ákimi Mahambet Dosmuhambetovtiń tóraǵalyǵymen beınerejımde ótken selektorlyq keńeste bilim berý júıesindegi mindetterdi oryndaý jáne ózge de máselelerdi sheshý joldary qarastyryldy.
Bilim berý basqarmasynyń basshysy Satqan Esenǵalıevtiń sózinshe, oblysta sanıtarlyq-epıdemıologııalyq jaǵdaı saqtala otyryp, bilim berý uıymdastyryldy. Qashyqtan oqytý barysynda týyndaǵan máseleler der kezinde sheshimin taýyp, qysqa merzimde jolǵa qoıyldy. Oblys bilim berýdi ıfrlandyrý baǵytyndaǵy tapsyrmalardy oryndaýda kósh basynda eken. Dese de, bilim sapasyna qatysty problemalar jeterlik.
– Al, Ulttyq biryńǵaı testileýdiń qorytyndysy boıynsha bıyl bilim sapasy 57,3 %-dy qurady. Ókinishke qaraı, fýnkıonaldy saýattylyqqa baılanysty halyqaralyq zertteýler (PISA) boıynsha oblys oqýshylary respýblıkada eń tómen nátıjege ıe. Halyqaralyq ólshem bolyp tabylatyn saýattylyqtyń úsh baǵyty boıynsha 2018 jyldyń kórsetkishteri ortasha nátıjeden de tómen. Fýnkıonaldyq turǵydan saýatsyz oqýshylardyń 84%-y bizdiń oblystyń úlesinde bolyp tur. Al, oblystaǵy oqýshylardyń 60%-y ekinshi jáne odan da joǵary deńgeıdegi tapsyrmalardy oryndaı almaıdy. Budan basqa da bilim sapasyna qatysty kórsetkishter sońǵy jyldarda tómendep ketken, – dedi Bilim berý basqarmasynyń basshysy.
Aımaq basshysy ózekti máselege baılanysty óz deńgeıinde jumys atqarmaı otyrǵan tıisti organdardy synǵa aldy. Sosyn bilim sapasyn arttyrý úshin ázirlengen jol kartasynyń júzege asyrylý barysyn surady.
«Sizdiń tapsyrmańyzben ázirlengen «Atyraý oblysynda bilim berýdi damytýdyń 2021-2023 jyldarǵa arnalǵan jol kartasy» baǵdarlama retinde sáýir aıynda kópshilikke tanystyryldy. Búginde oblystyq bilim berý basqarmasy «Nazarbaev zııatkerlik mektepteri» derbes bilim berý uıymdarymen birlese júzege asyrýda. «Jol kartasy» aıasynda 3 aıdyń ishinde biraz aýqymdy jumys jasaldy. Atap aıtsaq, «Jol kartasy» nysany retinde oblys aýmaǵyndaǵy 50 mektep zerdelendi. Keshendi zertteý nátıjeleri boıynsha atyraýlyq mektepterdegi bilim berý problemalary tolyqtaı anyqtaldy. Mamandarymyz joǵaryda atalǵan problemalardy jol kartasy birtindep sheshetinin boljap otyr», – dep túsindirdi basqarma basshysy Satqan Esenǵalıev.
Sondaı-aq, «Jol kartasy» aıasynda balalar men ata-analar qarym-qatynasyn jolǵa qoıý, qaýipsiz bilim berý ortasyn qurý, qıyn ómirlik jaǵdaıdaǵy oqýshylarǵa kómek kórsetý, óz-ózine qol jumsaýdyń aldyn-alý, basqa da ózekti máselelerdi jolǵa qoıý qarastyrylǵan.
Bilim salasyndaǵy maman jetispeýshilikti sheshý úshin mamandar daıarlaýǵa oblys ákiminiń granttary bólinip keledi. Jıyn sońynda oqýshylardyń bilim sapasynyń joǵary bolýy búgingi kúnniń basty mindeti ekenin alǵa tartqan oblys ákimi Mahambet Dosmuhambetov jaýapty sala basshylaryna birqatar tapsyrma júktedi.
