Elorda kóshesinde ústinde kıimi joq er adam kóshede velosıped teýip júrgen. Bul týraly Nur-Sultan qalalyq Polıııa departamenti habarlady.
Vedomstvo málimetinshe, tańǵy saǵat 07.14-te «102» arnasyna Esil ózeniniń jaǵalaýynda tyr jalańash er adamnyń velosıpedpen ketip bara jatqany týraly habarlama túsken. Dereý oqıǵa ornyna jetken patrýldik polıııa qyzmetkerleri ishimdikke mas kúıdegi azamatty ustady.
Onyń ústinde kıimnen tek aıaq kıimi ǵana bolǵan.
«42 jastaǵy quqyq buzýshynyń aıtýynsha, ol túngi ýaqytta tanysymen ózen jaǵalaýynda ishimdik ishken. Keıin er adam salqyndaý úshin ózenge túsken. Al sýdan shyqqan kezde jaǵalaýdan kıimin tappaı qalǵan. Tanysy kıimderin alyp, belgisiz baǵytqa ketip qalǵan. Er adam kezdesýge kelgen avtomobıliniń bagajynan velosıpedin alyp, Baraev kóshesi boıyndaǵy úıine jetpek bolǵan. Ustalǵan azamat alkogolge mas bolǵandyqtan kólik rýline otyrmaǵandyǵyn aıtyp otyr», - dedi departamentten.
Qoǵamdyq orynda ishimdik ishkeni jáne qoǵamdyq tártipke kereǵar áreketke barǵany úshin er adamnynń ústinen QR Ákimshilik quqyq buzýshylyq týraly kodekstiń 440, 434-baptarymen ákimshilik is qozǵaldy.
Nur-Sultan qalalyq mamandandyrylǵan aýdanaralyq ákimshilik sotynyń sheshimimen er adam ákimshilik qamaýǵa alyndy jáne aıyppul tóleıtin bolady.
