AQSh-tyń "USS Ross" zymyran joıǵysh kemesi búgin Qara teńizge bet aldy. Bul týraly Kıevtegi Amerıka elshiliginiń baspasóz qyzmeti Twitter-de habarlady.
"USS Ross" amerıkandyq zymyran joıǵysh kemesi Qara teńizge "Sea Breeze-2021" atty áskerı oqý jattyǵýlaryn ótkizbekshi. Bul áskerı oqý jattyǵýlaryna álemniń 30-dan astam eli qatysaıyn dep jatyr delingen habarlamada.
AQSh áskerı-teńiz kúshteriniń altynshy floty jyl saıynǵy "Sea Breeze-2021" áskerı oqý jattyǵýlaryna Ýkraınanyń áskerı-teńiz kúshterin de tartatynyn resmı túrde jarııalady. Sea Breeze-2021 áskerı oqý jattyǵýlaryna 5 myń áskerı qyzmetshi jáne 32 elden 32 soǵys kemesi qatysady.
Oqý-jattyǵý 28 maýsym men 10 shilde aralyǵynda Qara teńizde ótedi.
Bekbolat QARJAN,
"Adyrna" ulttyq portaly
