Bıyldan bastap Aqtóbe oblysynyń Yrǵyz aýdany men Shyǵys Qazaqstan oblysynyń Abaı aýdany arasynda mádenı jáne ekonomıkalyq baılanystar nyǵaıyp, áriptestik qarym-qatynas jolǵa qoıyldy. Osylaısha Abaıdyń eli men Abaıdyń arǵy atasy Yrǵyzbaı týǵan ólkeniń arasy jaqyndaı tústi dep habarlaıdy "Adyrna" ulttyq portalynyń tilshisi.
Buǵan deıin habarlaǵanymyzdaı, ótken aptada Shyǵys Qazaqstan oblysy Abaı aýdanynda Aqtóbe oblysy Yrǵyz aýdanynyń mádenı kúnderi ótti. El Táýelsizdiginiń 30 jyldyǵyna oraı, sondaı-aq «Rýhanı jańǵyrý» baǵdarlamasy aıasynda ótkizilgen sharaǵa oblystan jáne aýdannan 50-ge jýyq adam qatysty.
Shara Abaı eskertkishine gúl shoǵy qoıýdan bastaldy. Budan keıin yrǵyzdyqtar Qaraýyl aýyldyq klýbynyń foıesinde aýylsharýashylyq jáne kitap kórmesin jasaqtap, turǵyndarǵa usyndy.
Yrǵyz aýdandyq aýyl sharýashylyǵy bólimi basshysynyń mindetin ýaqytsha atqarýshy Aqalmas Turtaevtyń aıtýynsha, atalǵan kórmege oblystan qymyz, shubat, eshki súti, «Shalqar» sýy, balyq, tary, jarma, qurt, irimshik, jent, aq irimshik, súzbe, qaımaq, bal, t.b. sút, shujyq, kondıter ónimderi qoıylǵan.
«Yrǵyz óńiri men Abaı eliniń ortaq qundylyqtary» atty tanymdyq konferenııa barysynda Yrǵyz aýdanynyń ákimi Ádilkereı Áýelbaev qaraýyldyqtarǵa Yrǵyzbaı týǵan topyraq — Yrǵyz óńiriniń ystyq sálemin jetkizip, ótken tarıh betterine sholý jasady.
"Sonaý jońǵar shapqynshylyǵynan údere kóshken el sonaý Yrǵyz boıynan pana tapsa, «shynjyr balaq, shubar tós» Yrǵyzbaı sol ózenniń jaǵasynda dúnıege kelgen. Alǵashqysy qazaq halqyn joıylyp ketýden saqtaýdaǵy kúrt betburys bolsa, ekinshisi keıin urpaǵy halqymyzdyń danyshpan perzentine aınalǵan tarıhı tulǵa edi. Osyndaı tutas halyqtyń tarıhynda iz qaldyrǵan oqıǵalar ótken Yrǵyz eli eki jarym ǵasyrdan soń Yrǵyzbaıdyń jurtyna qonaq bolyp kelip qaldy. Aqtóbe oblysy Yrǵyz aýdanynyń Abaı aýdanyndaǵy «Yrǵyzdan Yrǵyzbaıdyń eline» atty mádenı kúnderi Abaımen qurdas, byltyr 175 jyldyǵyn atap ótken Yrǵyzdan bastaý alyp, búgin Qaraýylda óz máresine jetkeli otyr, — degen ol eldiń batasyn alyp attanǵan sapardyń maqsatyna toqtalyp, osy jobaǵa oblys ákimi Ońdasyn Orazalın erekshe qoldaý bildirgenin atap ótti.
Budan keıin konferenııada Abaı aýdanynyń ákimi Nurjan Ábdikárimov yrǵyzdyqtarǵa jyly lebizin bildirdi.
— Árbir elim, jerim deıtin, bolashaǵyn oılaıtyn qazaq Abaıdyń jerine kelip, uly tulǵaǵa taǵzym etýi kerek. Abaıdaı uly tulǵa áli týǵan joq. 18-19 ǵasyrda ómir súrse de, qazaqtyń bolashaǵyn oılap, artyna máńgilik mura qaldyryp ketken dana oıshyl biz úshin qashan da qymbat. Abaı týǵan óńirge Elbasy men Memleket basshysynyń ózi kelip, úlkenderdiń batasyn alǵan. Sondyqtan bolashaq urpaq bul jerdiń topyraǵyn basyp, tarıhymen tanysýy tıis. Osy oraıda úlken delegaııa bolyp, kıeli mekenge kelip jatqan sizderge, Yrǵyzdyń jurtyna, aıtar alǵysymyz sheksiz,— dedi ol.
Jıynda delegaııa ókilderi Aqtóbe óńiri men Yrǵyz ólkesiniń tarıhy týraly baıandama oqyp, Yrǵyzbaı men Abaıǵa qatysty birqatar tyń derekterdi aıtyp berdi.
Shara sońynda Aqtóbe oblysynyń Yrǵyz aýdany men Shyǵys Qazaqstan oblysynyń Abaı aýdany arasynda áriptestik qarym-qatynasty damytý maqsatynda eki aýdannyń ákimderi ózara memorandýmǵa qol qoıyp, eki óńirdiń ónerpazdary konerttik baǵdarlamalaryn usyndy.
Sapar sońynda delegaııa Abaı men Shákárimniń kesenesine baryp, qos kemeńgerdiń rýhyna taǵzym etti. Abaıdyń murajaı-úıin aralap, zamanynda uly aqynnyń ózi tutynǵan qundy jádigerlerdi óz kózderimen kórdi.
"Adyrna" ulttyq portaly.
