Chehııanyń soltústik-batysyndaǵy aýylǵa tornado soǵyp, eldi mekenniń tas-talqanyn shyǵarǵan dep habarlaıdy "Adyrna" ulttyq portaly.
Eldi mekende eshkim zardap shekpegen. Al materıaldyq shyǵyn ondaǵan mıllıon eýroǵa baǵalanyp otyr.
Buǵan deıin Chehııanyń ońtústik-shyǵysynda ornalasqan Ońtústik Moravııaǵa soqqan alǵashqy tornado birneshe eldi mekendegi úılerdi qıratqan bolatyn. Odan 300-ge jýyq adam zardap shegip, 5 turǵyn kóz jumǵan. Al juma kúni bolǵan tornado túgel aýyldy qıratqan.
Sınoptıkterdiń málimetinshe, munda tornado kúshi 5 baldyq deńgeıdiń 3 nemese 4-deńgeıine jetken. Onyń arty tennıs dobynyń kólemindeı burshaqqa ulasqan.
Qazir Chehııada zardap shekken aýyldarǵa gýmanıtarlyq kómek jóneltilýde.
"Adyrna" ulttyq portaly.