Elordalyq Qanat Qabylov aq halattylardan járdem kóre almaı qınaldym deıdi. Onyń aıtýynsha, dárigerler 7 aı boıy onyń dertin taba almaı, biri-birine siltep sharshatqan. 47 jastaǵy er azamat qazir bar joǵy 26 keli salmaqpen tósek tartyp jatyr.
Elorda turǵyny Qanat densaýlyǵynyń kúrt nasharlaǵanyn baıqaǵan soń dereý aýrýhanaǵa barǵan. Oǵan deıin jarty jyl saıyn turaqty tekserýden ótip turdym deıdi. Bul týraly «Adyrna» ulttyq portaly Astana arnasyna silteme jasap habarlaıdy.
Magnıtti-rezonanstyq tomografııa qorytyndysy omyrtqa súıekterinde qaterli isiktiń zaqymdanǵan kletkalaryn kórsetipti. Joldamamen qalalyq onkologııalyq aýrýhanaǵa keledi. Alaıda dárigerlerden kútken kómekti ala almaı, ýaqyt ozdyryp aldym dep nalyıdy 3 balanyń ákesi.
«Qańtar aıynan bastap eshqandaı em alǵan joqpyn. Tek aýyrǵandy basatyn ekpe saldy. Búkil jerden analız aldy (Shıtovıtten, grýdnoıdan, pozvonochnıkten aldy). Búkil jer kesik qazir, tesik-tesik. Biraq bilmeımin, eshqandaı nátıje shyǵara almaıdy. «Sen mine mynandaısyń» dep anyǵyn aıtpaıdy», – deıdi Qanat Qabylov.
Qanatqa 6 jyl buryn óńeshtiń isigi dıagnozy qoıylyp, operaııa jasalǵan. Onan keıin jaǵdaıy túzelgen soń, alańsyz júripti. Biraq dert qaıta mazalaǵandyqtan ol ózine ota jasaǵan dárigerge barǵan. Al ondaǵylar týberkýlezge qarsy dıspanserge jiberdi deıdi ol. Biraq aǵzada koh taıaqshalaryna tán eshnárse tabylmaǵan, sondyqtan sizde isik dep qaıtadan onkologııalyq ortalyqqa jiberdi deıdi naýqastyń jubaıy Aınagúl.
«Ol kisi bizge alǵash kelgen kezinde isik boldy. Omyrtqa súıekteri zaqymdanǵan. Biraq biz bul dıagnozdy rastaýǵa nemese joqqa shyǵarýǵa tyrystyq. Biz onyń saraptamasyna qajetti barlyq nárseni jasadyq dep oılaımyn. Naýqastyń jaǵdaıy nasharlaýda, omyrtqa súıekterinde ózgerister bar, jaqsaryp jatqan eshnárse joq. Sondyqtan biz oǵan saraptamalardyń nátıjesine qaramastan klınıkalyq túrde qaterli isik dep dıagnoz qoıdyq», – dedi dáriger Iýrıı Jýkov.
Osydan 6 aı ǵana buryn otbasyn asyrap, alańsyz jumys istep júrgen azamat qazir dármensizbin, jaǵdaı dál osylaı bolady dep oılaǵan joqpyn deıdi. Onyń aıtýynsha, buǵan der kezinde kómek kórsetpegen, emdeýden bas tartqan dárigerler kináli.
«Qanat myrzanyń jaǵdaıynda eger 2015 jyly jasalǵan operaııa saldarynan densaýlyǵy nasharlaǵan bolsa, quqyq qorǵaý organdaryna shaǵym jasaý arqyly aldyn ala tergeý barysynda sot medıınalyq saraptama taǵaıyndaýy tıis. Ota jasaǵan dárigerlerdiń kinási anyqtalsa, azamattyq tarap aryz jasaý materıaldyq jáne moraldyq zalaldy óndirýge bolady», – dedi zańger Mambetov Jambyl.
Memlekettik emdeý oryndarynan qoldaý tappaǵan Qanat amalsyzdan aqyly dárigerlik qyzmetke júgindim deıdi. Biraq dıagnozdy naqty kórsetetin apparatqa túsý úshin qyrkúıekke deıin kezek kútýi kerek eken. Ýaqyt tyǵyz, sondyqtan ómirmen kúresken azamat quzyrly oryndardan kómek suraýǵa májbúr ekenin aıtady.
"Adyrna" ulttyq portaly
(foto stan.kz saıtynan)
