Batys Qazaqstan oblysynda oqýshylardyń ata-analary qashyqtan oqytý úshin berilgen planshetterdi lombardqa ótkizip jibergen. Atalǵan fakti boıynsha qylmystyq is qozǵaldy, dep habarlaıdy «Adyrna» ulttyq portaly Stan.kz aqparat agenttigine silteme jasap.
Oblystyq bilim berýdi damytý ortalyǵy dırektorynyń orynbasary Ardaq Erkamesheva 2020-2021 oqý jylynyń basynda respýblıkalyq bıýdjetten oqýshylardy oqytý úshin 14 970 noýtbýk pen planshet satyp alýǵa eki mıllıard teńge (4,6 mıllıon dollar) bólingenin aıtty.
«Bas sanıtar dárigerdiń shekteýlerimen oqý jylynyń sońynda oblystyń 380 aımaqtyq mekteptiń ishinen 100 mektepte balalar qashyqtan oqytyldy. Mektep oqýshylaryna qoldanýǵa 7223 noýtbýk pen planshet berildi. 25 mamyrǵa deıin olar tolyǵymen qaıtarylýy kerek edi, biraq olardyń 83-i jumys istemeıtini anyqtaldy», - dedi Ardaq Erkamesheva
Sonymen qatar ol mektep pen ata-analar arasynda jabdyqty berý kezinde kelisim jasalǵanyn, oǵan sáıkes ata-analar berilgen planshetter men noýtbýkter úshin jaýap beretinin atap ótti. Eger tehnıka jumys istemeı qalsa, onda ata-analar ornyna tehnıkalyq sıpattamalary sáıkes keletin jańa tehnıkany qaıtarýy kerek.
Kóbine planshetter buzylǵan. Munyń sebebi – balalardyń uqypsyzdyǵy: balalar olarǵa sý quıyp nemese tógip jiberýi múmkin. Planshet órtte janyp ketken jaǵdaılar bolǵan.
«Keıbir otbasylarda ata-analar planshetterdi lombardqa ótkizgen birneshe jaǵdaı boldy, mundaı jaǵdaılar boıynsha qylmystyq is qozǵaldy. Sodan keıin sot tártibimen zalal óteldi», - dedi Ardaq Erkamesheva.
"Adyrna" ulttyq portaly
