Nur-Sultan qalasyndaǵy Nazarbaev Zııatkerlik mektebiniń túlegi Nargız Shantaeva Qytaıdyń Duke Kunshan ýnıversıtetinen tolyq bilim grantyn utyp aldy. Sondaı-aq, jas darynǵa álemdik QS-2021 reıtingisi boıynsha Eýropanyń úzdik saıası ýnıversıteti sanalatyn Franııalyq Sciences Po ýnıversıtetinen shaqyrtý keldi, dep habarlaıdy «Adyrna» tilshisi.
Joǵary oqý oryndaryn tańdaý kezinde qytaılyq ýnıversıtettiń ustanǵan jahandyq kózqarasy men etno-mádenı alýandylyǵy Nargızdiń nazaryn aýdara bilgen. Oǵan qosa, Duke Kunshan ýnıversıteti (DKU) - Duke Ýnıversıteti (AQSh) men Ýhan ýnıversıtetiniń (Qytaı) birlesken jobasy. DKU dıplomynan basqa, barlyq túlekter Duke ýnıversıtetiniń dıplomyn ala alady. Zııatkerlik mektep túlegi Nargız joǵary oqý ornynda zańger mamandyǵy boıynsha bilim alýdy josparlap otyr.
«Osynaý 6 jyl ishinde maǵan kórsetken yqylasy men kómegi úshin barlyq ustazdarym men kýratorlarǵa erekshe alǵys aıtqym keledi. Mektep bitirýshi synyptastaryma keler bolsaq, jańa qadamdaryńyzǵa gúl bitsin. Sizderge tek sáttilik tileımin! Qazirgi ýaqytta men ýnıversıtettegi oqýyma daıyndalyp jatyrmyn. Sodan keıin armanymdaǵy jumysqa ornalasyp, súıikti quqyq jáne sot isterinde ózimdi bilikti maman retinde dáleldeıtinime úmittenemin»,– deıdi jas zııatker.
