Atyraý oblysy ákimi Mahambet Dosmuhambetov «BRIMSTONE Sulphur Provider Company» kompanııasynyń negizin qalaýshy Efe Mýnıp Nýrdoǵdýmen kezdesip, hımııa ónerkásibi salasyna qatysty jobalardy talqylady.
Oblys ákimi Mahambet Dosmuhambetov Memleket basshysy Qasym-Jomart Toqaevtyń Qazaqstan halqyna Joldaýynda atap kórsetkenindeı, elimizdiń batys óńirleri munaı-hımııa keshenderin salyp, joǵary deńgeıdegi qaıta óńdeý isiniń jańa óndiristik ıkldaryn qurýǵa erekshe nazar aýdarýda ekenin atap ótti. Osy baǵytta Atyraý óńirinde birqatar aýqymdy joba qolǵa alynyp, ınvestıııa tartý jumystary júrgizilip jatqanyna toqtaldy.
Óz kezeginde túrik ınvestory Atyraý oblysynda kúkirt betonıtin óndiretin ónerkásip orynyn ashýǵa daıyn ekenin jetkizdi. Investıııa kólemi shamamen 10 mln AQSh dollary bolatyn joba 50-deı turaqty jumys orynyn ashýǵa múmkindik beredi.
«Qazaqstanda kúkirttiń jetkilikti qory bar. Alaıda, biz úshin de, jalpy el úshin de shıkizatty tereń óńdeýdi uıymdastyrý, daıyn ónimdi kúkirt bentonıti túrinde shyǵarý jáne eksporttaý áldeqaıda tıimdi. Logıstıkalyq turǵydan alǵanda, Atyraý oblysy bul jobany júzege asyrý úshin óte yńǵaıly ınvestıııalyq alań. Osy jerden Qytaı, Eýropa jáne Reseı syndy iri naryqtarǵa shyǵýdyń áleýeti zor»,- dedi Efe Mýnıp Nýrdoǵdý.
