Toqqa túsken jandardy qutqarǵan Abylaı: Batyr emespin, adamdyq mindetimdi oryndadym!

13958
Adyrna.kz Telegram

Búgin Almaty qalasyndaǵy Ortalyq ırk mańynda oqys oqıǵa boldy. ırk janyndaǵy fontan sýyndaǵy toqqa úsh adam túsip qalǵan. Olardy sýdan Abylaı esimdi jigit pen esimi belgisiz taǵy bir azamat alyp shyqqan. Biz Abylaıdyń baılanys nómirin alyp, qysqasha suhbattasyp kórdik. 

- Armysyz Abylaı. Búgingi erligińizdi kórip, ózińizge súısinip otyrmyz. Adam ómirin qutqaryp qalǵanyńyzǵa alǵys bildiremiz. Jalpy ózińiz jaıly qysqasha aıta ketseńiz. Jasyńyz neshede? Qaıda oqısyz nemese jumys isteısiz? 

- Assalaýmaǵaleıkým. Meniń aty-jónim Balapanov Abylaı. Jasym 19-da. Qazirgi tańda Almaty qalasyndaǵy  Q. I. Sətbaev atyndaǵy Qazaq Ulttyq Tehnıkalyq Zertteý Ýnıversıtetiniń, "Avtomattandyrý jáne basqarý" mamandyǵynyń ekinshi kýrs stýdentimin. Týǵan jerim Ile aýdany, Baıserke aýyly.

- Búgingi oqıǵa jaıly tolyǵyraq aıtyp berseńiz. Ortalyq ırk mańynda ne boldy? Ózińizdi de toq soǵyp, álsirep qalǵanyńyzdy oqydym. Qazir densaýlyǵyńyz qalaı? 

- Búgin Ortalyq ırk mańyndaǵy oqıǵa jaıly tolyǵyraq aıtar bolsam oqıǵa bylaı boldy. ırk mańynda jastary 8-10 shamasyndaǵy qyzdar men olardyń anasy toqqa túsip qaldy. Fontannyń toǵyna. Adamdardyń aıǵaılaǵan daýysy shyǵyp, kómekke shaqyryp jatty. Men ol sátte sol mańdaǵy oryndyqta demalyp otyrǵan edim. Ornymnan turyp, ne bolǵanyn kóreıin dedim. Jaqyndap qarasam sumdyq kórinisti kórdim. Anasy men balasy toqqa túsip jatyr eken. Oılanbastan qutqarýǵa kiristim. Fontanǵa kirip, anasyn alyp shyqtym. Ekinshi márte qyzyna barǵanymda meni de toq urdy. Qyzyn basqa, beıtanys azamat alyp shyqty. Toqqa taǵy bir qyz túsken edi, alaıda toq kúshi álsiz bolyp, ol qyz ózi shyǵa aldy. Men de fontan ishinen ózim syrtqa shyqtym. Qazir densaýlyǵym jaman emes. Oqıǵadan keıin úıge qaıtyp kettim.

- Toq soqqan qyzdy basqa jan alyp shyqqanyn aıttyńyz. Ol azamat jaıly qandaı da bir aqparat bilesiz be?

- Iá, basqa azamat alyp shyqty. Ókinishke oraı ol azamattyń aty-jónin bilmeımin, aqparat ta joq.

- Quzyrly organdar tarapynan qandaı áreket jasaldy? Bılik organdary habarlasyp, hal-jaǵdaıyńyzdy bildi ma?

- Sol mańda polıııa qyzmetkerleri júrdi. Olar meniń hálimdi surady. Olarǵa da óz alǵysymdy bildirgim keledi.

- Bul áreketińiz erlik. Ózińizdi batyr sanaısyz ba?

- Joq, men ózimdi batyr sanamaımyn. Bul meniń adamdyq mindetim. Sol mindetimdi atqardym.

- Aman bol, Abylaı! Ómirde barlyq arman-maqsattaryń iske asyp, oryndalsyn. Batyr degen atqa laıyqsyń. 

Suhbattasqan Ashat Qasenǵalı,

"Adyrna" ulttyq portaly

Pikirler