QR Tuńǵysh Prezıdenti – Elbasy Nursultan Nazarbaev «Nur Otan» partııasynyń 2025 jylǵa deıingi «Ózgerister joly: ár azamatqa laıyqty ómir!» saılaýaldy baǵdarlamasynda dárigerler men muǵalimderdiń jalaqysy, stýdentterdiń shákirtaqysy taǵy ósetini týraly aıtqan edi. Mine, kúzden bastap stýdentter men magıstranttardyń, doktoranttardyń shákirtaqysy kóbeıetin boldy.
Elbasy negizin qalaǵan L.N.Gýmılev atyndaǵy Eýrazııa ulttyq ýnıversıtetiniń bir top bilim alýshylarynyń pikirin jarııalaǵandy jón kórdik.
Asyl-Dastan BAZARBEK, Fızıka-tehnıkalyq fakýltetiniń 3 kýrs doktoranty:
-Men L.N.Gýmılev atyndaǵy Eýrazııa ulttyq ýnıversıtetiniń fızıka-tehnıkalyq fakýltetinde doktorantýrada oqımyn. Amandyq bolsa, bıyl bitiremin. Memlekettik emtıhandy úzdik tapsyryp, qazir dıssertaııa qorǵaýǵa daıyndalyp jatyrmyn.
Aıtaıyn degenim, kúzden bastap stýdentter men magıstranttardyń, doktoranttardyń shákirtaqysy kóbeıetinin estip, búkil bilim alýshylardyń qýanyshymen ortaqtasqym keldi. Óıtkeni ózim oqyǵan doktornatýrada sońǵy eki jylda stıpenııa mólsheri 82 paıyzǵa ósti, al qyrkúıek aıynda onyń mólsheri 150- myń teńgeden 172 myń teńgege kóbeımek. Bul ǵylym jolyna túsken jastar úshin úlken qamqorlyq, sonymen qatar Bilim jáne ǵylym mınıstri Ashat Aımaǵambetovtyń osy salany jetik biletin, naǵyz janashyr, bilikti basshy ekenin kórsetedi. Men munyń bárin Bilim jáne ǵylym mınıstrligi kelesi oqý jylynda talapkerlerge qansha grant bólý jasparlaǵanynan-aq ańǵaryp otyrmyn. Máselen, jyl saıyn mınıstrlik bakalavrıatqa 51 myń grant bóletin bolsa, bıyl 56 myń orynǵa kóterilip otyr.
Mine, osylardyń arasynan erteń elimizdiń bilimi men ǵylymyn damytýǵa úles qosatyn magıstranttar men doktoranttar shyqpaıdy deısiz be? Shyqqanda qandaı! Demek, ǵylymnyń bolashaǵy – búgingi jastar, ıaǵnı endigi ǵylym meniń zamandastarymnyń qolynda dep nyq senimmen aıta alamyn. Tek, alǵa, dostar!
Nurgúl ÁÝEZOVA, Mehanıka-matematıka fakýltetiniń magıstranty:
-Mundaı aqjoltaı aqparatty estigende, árıne, kóńilimiz kóterilip, balasha qýanyp qaldyq. Bul sheshim bilim alyp júrgender úshin motıvaııa. Burynǵy alyp júrgen aqsha shynymen de Nur-Sultan qalasynda oqıtyn stýdentterge az bolatyn. Óıtkeni azyq-túlik, páter jaldaý quny kún ótken saıyn kóterilýde. Sonymen qatar bizdiń basqa da shyǵyndarymyz óte kóp. Shákirtaqynyń kóbeıgeni biz úshin jaǵymdy jańalyqtardyń biri bolyp otyr.
Gúlnısa MERKEBAI, Sáýlet-qurylys fakýltetiniń 4 kýrs stýdenti:
-Men L.N.Gýmılev atyndaǵy Eýrazııa ulttyq ýnıversıtetiniń sáýlet-qurylys fakýlteti, «sáýlet» mamandyǵynyń bakalavr stýdentimin. 4 kýrsty bitirip, endi buıyrsa 5 kýrsqa kóshemin.
Elbasy Nursultan Ábishuly Nazarbaev bilim men ǵylym salasyna qashanda jan-jaqty qoldaý kórsetip keledi. «Nur Otan» partııasynyń saılaýaldy baǵdarlamasynda shákirtaqynyń ósýi týraly aıtqan jańalyǵyn estigende grýppalastarymyzben birge qýanǵan edik. Mine, kúzden bastap kóbeıgen shákirtaqy qolymyzǵa tıgeli otyr. Jalpy, bilim granttarynyń sanynyń kóbeıýi, shákirtaqynyń ósýi stýdentterdi, oqýshylardy yntalandyrady dep oılaımyn. Sebebi, shákirtaqynyń ósýi stýdentterdiń jaqsy oqýǵa degen talpynystaryn arttyrady.
«El bolashaǵy – jastar» desek, jastardyń sapaly bilim alýy mańyzdy. Al shákirtaqynyń kóbeıýi Úkimetimizdiń stýdentterdi oılap, qamqorlyq jasaýy jáne osy oraıda QR Prezıdenti Qasym-Jomart Toqaevqa, Bilim jáne ǵylym mınıstri Ashat Aımaǵambetovke aıtar alǵysymyz sheksiz!
Ramazan ESMAǴAMBETOV, Jýrnalıstıka jáne saıasattaný fakýltetiniń 4 kýrs stýdenti:
-Negizi Úkimettiń shákirtaqyny 26 186-dan 31 000 teńgeden joǵary kótergeni jaqsy boldy. Burynǵy shákirtaqym eshteńege jete bermeıtin, endi óz josparlaryma da aqsha bar. Bul bilgen adamǵa úlken bonýs dep oılaımyn.
Al endi meni ne alańdatady? Shynymdy aıtsam, aqyly negizde oqıtyn stýdentterdiń jaǵdaıy alańdatady. Bizdiń topta ondaı balalar joq, biraq ýnıversıtette ózge mamandyqta oqyp júrgen talaı tanystarym men dostarym bar. Solarǵa janym ashıdy, naǵyz óz mamandyǵynyń maıtalmandary desem qatelespeımin. Óıtkeni, JOO-da nashar oqıtyn balalardyń granttary qaıtadan oınatylymǵa túsedi degen talap bar bolǵanymen, men onyń iske asqanyn, granttyń qaıta oınatylǵanyn óz basym kórmeppin. Sondyqtan ýnıversıtet múlde oqymaıtyn stýdentterden granttaryn alyp, qaıta aınalymǵa salyp, baıqaý jarııalap, talpynysy bar stýdentterge berip otyrsa durys bolar ma edi dep oılap qoıamyn keıde.
