Mereke qarsańynda eki myńdaı ardagerge qarjylaı qoldaý kórsetildi.
Atyraý qalasynda turatyn Uly Otan soǵysyna qatysqan 2 adamǵa 1 000 000 teńgeden kómek berildi. Sonymen qatar, ekinshi dúnıejúzilik soǵys kezinde fashıster men olardyń odaqtastary qurǵan konlager tutqyny sanatyna jatatyn bir adamǵa 1 000 000 teńge qoldaý kórsetildi. Al jeńiske úles qosqan tyl eńbekkerleri — 45 adam 100 000 teńgeden birjolǵy aqshalaı kómek aldy. Uly Otan soǵysy jyldarynda jumys jasaǵan alaıda nagradtalmaǵan tyl eńbekerleri ıaǵnı jeńiske úles qosqan tyl eńbekkerleriniń taǵy bir tobyna 1874 adamǵa – 30 000 teńgeden qarjylaı kómek berildi.
Budan bólek Jumyspen qamtýdy úılestirý jáne áleýmettik baǵdarlamalar basqarmasy oblysta áleýmettik qorǵalatyn sanatqa jatatyn 372 adamǵa 100 myń teńge kóleminde birjolǵy áleýmettik tólem berilgenin habarlady.
Atap aıtqanda, elimizdiń «Ardagerler týraly» zańyna sáıkes, Uly Otan jáne Aýǵan soǵysy qatysýshylary, Chernobyl AES-indegi apattyń zardaptaryn joıýǵa qatysqan adamdar tárizdi Tájik-aýǵan (315 adam) aýmaǵyndaǵy soǵys qımyldarynyń, Iraktaǵy (5 adam) halyqaralyq bitimgershilik operaııalarǵa, Taýly-Karabahtaǵy (52 adam) etnosaralyq qaqtyǵysty retteýge qatysqan adamdar da áleýmettik qorǵalatyn sanattar qataryna jatqyzyldy. Osyǵan oraı, olarǵa aı saıyn kommýnaldyq shyǵyndardy óteý jáne ataýly datalarda 100 000 teńge kóleminde birjolǵy áleýmettik tólem beriledi.
