BQO-da polıeıler aýdarylǵan kólikten úsh adamdy qutqaryp úlgerdi, dep habarlaıdy «Adyrna» tilshisi Polisia.kz-ke silteme jasap.
Jelaev aýylyna jaqyn jerdegi jol boıynda avtokólik aýdarylyp, jol-kólik oqıǵasy oryn aldy. Patrýldik avtomashınamen sol jerden ótip bara jatqan BQO PD patrýldik polıııa batalony komandıriniń orynbasary Arman Sarabalınov pen qyzmet ınspektory Aleksandr Kalınıchev kólik apaty bolǵan jerge dereý baryp, kóliktiń júrgizýshisi men eki jolaýshysyn kólikten shyǵaryp úlgergen. Eki sekýndtan keıin avtokólik jaryldy. Tártip saqshylary kez kelgen sátte kólik jarylyp, ózderiniń de zardap shegýi múmkin ekenine qaramastan, adamdardyń ómirin saqtap qaldy.
– BQO PD patrýldik polıııa batalonynyń ekıpajy qala syrtyndaǵy trassalarda táýlik boıy qyzmet etedi. 2021 jyldyń 15 maýsymynda shamamen saǵat 04.00-de qyzmet barysynda Chkalov kóshesiniń boıynda LADA Kalina markaly kólik aýdarylǵan. Sol jerde qyzmet ótkerip júrgen patrýldik polıııa qyzmetkerleri oqıǵa ornyna jetip, ondaǵy adamdardy shyǵaryp úlgergen. Sanaýly sekýnd ishinde kólik jarylyp, órtenip ketipti. Batyldyq tanytyp, adamdardy ólimnen arashalaý úshin táýekelge bel býǵan polıııa qyzmetkerleriniń bul áreketi erlik pen teń. Sondyqtan basshylyq atynan yntalandyrý qarastyrylýda, – dedi BQO PD resmı ókili Bolatbek Belgibekov.
«Adyrna» ulttyq portaly
