Ulttyq biryńǵaı testileýge (UBT) tórt talapkerdiń ornyna elordalyq eki joǵary oqý ornynyń stýdentteri kirmek bolǵan. Jasóspirimderdiń bul áreketi mektep túlekterin UBT-ǵa kirgizý kezinde Face-ID júıesi arqyly áshkere boldy, dep habarlaıdy «Adyrna» ulttyq portaly.
Bilim jáne ǵylym mınıstrligi stýdentterdiń mektep oqýshysynyń ornyna kirý úshin jalǵan qujattar jasaǵandaryn habarlady.
Tulǵany ıfrlyq sáıkestendirý Face-ID júıesi bıyl UBT tapsyratyn barlyq ortalyqta engizilgen bolatyn. Osy júıeniń arqasynda atalǵan zań buzýshylyqtar anyqtaldy.
«Baǵdarlama tipti egizderdi de anyqtaı alady. Ulttyq testileý ortalyǵynyń qyzmetkerleri UBT tapsyrý kezinde zań buzýshylyqtardy qalaı anyqtaý kerek ekenin jaqsy biledi. Testileýge óz ornyna bógde adamdy kirgizbek bolǵandardyń arasynda «Altyn belgi» ıegeri de bar», - dedi Ulttyq testileý ortalyǵy dırektorynyń mindetin atqarýshy Naýjan Dıdarbekova.
11 synyp tulekteri men olardyń ornyna test tapsyrmaq bolǵandar týraly aqparat quqyq qorǵaý organdaryna jiberildi. Olarǵa qatysty Qazaqstan Qylmystyq kodeksiniń 385-baby 2-bóligi (jalǵan qujattardy, mórtańba, mórlerdi, blankilerdi qoldan jasaý, daıyndaý nemese ótkizý) boıynsha qylmystyq is qozǵaldy.
"Adyrna" ulttyq portaly
