MEDIA CLUB QAZAQSTAN platformasynda mektep túlekterine arnalǵan tikeleı efır ótti. Efır barysynda, bilim salasyndaǵy sarapshylar joǵary oqý orny men mamandyqty durys tańdaý máselesin talqylap, mektep bitirýshilerge aqyl-keńes berdi.
M.S. Nárikbaev atyndaǵy KAZGIýÝ Ýnıversıteti Basqarma Tóraǵasynyń orynbasary Erbolat Muhamedjan UBT sertıfıkatyn 2 jylǵa jaramdy qylý kerek degen usynys aıtty. Onyń sebebin bylaı túsindiredi.
«Bıyl Qazaqstanda 150 myńǵa jýyq oqýshy mektep bitirdi. Qazirgi tańda ár túlektiń aldynda mamandyǵyna sáıkes ýnıversıtet tańdaý mindeti tur. Olardyń kóbi «grant bolsa, boldy» dep, armandaǵan mamandyǵynda oqymaı, qatelesýi de múmkin. Óıtkeni bizdiń elde «JOO-ǵa mindetti túrde mektep bitirgen jyldan qalmaı túsý kerek» degen stereotıp bar. Sondyqtan UBT-nyń sertıfıkatyn 2 jylǵa jaramdy qylý kerek. Osy ýaqyt ishinde túlek óziniń qaı salada oqyǵysy keletinin anyqtap, mamandyǵyn tańdap, maqsatyn aıqyndaı alady»,- degen usynys bildirdi.
Erbolat Muhamedjannyń ıdeıasyn BTS Education kompanııasynyń Bas dırektory Saıasat Nurbek qoldap, 11 synyptan keıin úzilis alý shetelde qalypty jaǵdaı ekenin aıtty.
«Mektepti bitirgen jyly ýnıversıtetke túspeseń ómiriń bitti degen Keńes Úkimetinen qalǵan túsinik bar. Damyǵan elderde óz-ózińdi tolyǵyraq tanýǵa kómektesetin Gap Year uǵymy bar. Ókinishke oraı, qazir ata-ana men oqýshy UBT tapsyrýǵa 1-2 apta qalǵanda mamandyq tańdaıdy. Aty ádemi estiledi dep ózim «Halyqaralyq quqyq» mamandyǵynda oqydym. Energııaǵa toly 5 jyl jastyq shaǵym bosqa ótti. Bul salada qyzmet etpedim. Adamnyń aldaǵy 50 jyldyq ómiri tańdaǵan mamandyǵymen baılanysty. Mamandyq tańdamas buryn tulǵa retinde qalyptasyp, ishki qalaýyńdy aıqyndap al. Kóp adammen aqyldasyp, biraq sheshimdi óziń shyǵar»,- dep Saıasat Nurbek túlekterge keńes berdi.
MEDIA CLUB QAZAQSTAN
70-30-42
