Jambyl oblysyndaǵy er adamdardyń janjaly ólimmen aıaqtaldy, dep habarlaıdy «Adyrna» ulttyq portaly Polisia.kz saıtyna silteme jasap.
Jambyl oblysy Polıııa departamentiniń bastyǵy Janat Súleımenov 2021 jylǵy 9 maýsymda saǵat 21:20-da Merki aýdandyq polıııa bólimine jergilikti turǵyn xabarlasyp, belgisiz adamdar olardyń fazendalaryna kelip, bireýi aǵasyna oq atqany týraly aıtty.
Polıeıler oqıǵa ornyna kelgen soń sharýa qojalyǵynyń ıesi men jergilikti úsh turǵynnyń arasynda janjal týyndaǵany, onyń barysynda er adamdardyń biri fazenda ıesine tirkelgen tegis uńǵyly myltyqtan oq atyp ketkeni anyqtaldy.
Alaıda jaraqat alǵan er adam olardy óz kóligimen qýǵan, soqtyǵysý barysynda ekinshi kóliktiń júrgizýshisi jol-kólik oqıǵasy ornynda kóz jumyp, jolaýshysy jaraqattanǵan.
Aıaǵy men qolynan bytyra oǵynan jaraqat alǵan er adam Merki aýylyndaǵy aýdandyq ortalyq aýrýhanaǵa jatqyzyldy.
Janat Súleımenov qazirgi ýaqytta atalǵan oqıǵanyń barlyq qatysýshylary ustalǵanyn, sotqa deıingi tergep-tekserý amaldary júrgizilip jatqanyn atap ótti. Qajetti saraptamalar taǵaıyndaldy. Istiń mán-jaıy anyqtalyp jatyr.
"Adyrna" ulttyq portaly
