Jelıde Qytai mektebındegı soŋǧy qazaq synyby tülekterınıŋ videosy tarady. Facebook qoldanuşysy Erqanat Tūrsynjanūlynyŋ sözınşe, būl mekteptegı qazaq tılındegı eŋ «Soŋǧy qoŋyrau». Būdan bylai mektep tek qytai tılınde bılım beredı, dep habarlaidy «Adyrna» ūlttyq portaly kaz.nur.kz saityna sılteme jasap.
Äleumettık jelıde taraǧan video köptıŋ jüregın auyrtty.
«Qazaq tılınıŋ soŋǧy tülekterı... Qytaidyŋ Künes audanynda qazaq synybynyŋ soŋǧy tülekterı mektep bıtırdı. Mektep bıtıru keşınde qazaqşa «Soŋǧy qoŋyrau» änı aityldy. Qazaq tılındegı eŋ soŋǧy qoŋyrau... Endı būdan bylai mektepte tek qytai tılı oqytylady», - dep jazdy Erqanat Tūrsynjanūly.Jelı qoldanuşylary videony körıp közderıne jas üiırılgenın jasyrmady.
«Mekteppen emes, ūltymen qoştasyp jatqandai», «Jürektı auyrtatyn jaǧdai», «Ökınıştı, nege elge kelmeidı? Sol töŋırektegı qazaq jūrty tılımızdı, dınımızdı ūmytpaǧan. Tıptı bızden artyq bıledı. Özderı sondai mädeniettı, kışıpeiıl adamdar», «Közıŋe erıksız jas üiıredı», - dep pıkır pıldırdı jelı qoldanuşylary.Videony jelıde bölıskenderdıŋ sany saǧat saiyn artuda. Onda bırdei kiım kigen mektep oquşylary hormen «Soŋǧy qoŋyrau» änın oryndaǧan. Sondai-aq sport zalda qoldaryna qyzyl jalauşa ūstap sapta tūrǧan oquşylardy baiqauǧa bolady. Videony osy sılteme boiynşa köre alasyz: https://www.facebook.com/100007189782489/videos/2827061210876844/
"Adyrna" ūlttyq portaly
