Marsqa qaryzǵa ushyp bara alasyz

1208

SpaceX kompanııasynyń bas atqarýshy dırektory Ilon Mask 2026 jylǵa deıin adamdardy Marsqa jetkizýge áreket jasaıtynyn aıtty. Al NASA ǵaryshkerlerdi Qyzyl ǵalamsharǵa 2033 jyly, Masktan jeti jyldan keıin jibermek, dep habarlaıdy «Adyrna» ulttyq portaly.

Mask 2026 jylǵa deıin adamdardy Qyzyl ǵalamsharǵa qondyrý maqsatyna jetemin dep úmittenenedi. Ol tehnıkalyq kedergiler problemasyn sheshýge ýaqyt jetkilikti ekenin aıtty.

Ilon Masktyń bul bastamasyna qatysty Facebook qoldanýshysy Talǵat Qyryqbaı dáleldi pikir keltiripti.

«Fotodaǵy sol jaqtaǵy eń úlkeni Ilon Masktyń juldyzkemesi...

NASA soǵan jetpeıtin bir zymyrannyń bir bóligin jasaý úshin 5 jyl ýaqyt jumsaǵan eken. Al Mask áneý eń úlken juldyzkemelerdiń árbirin úsh kún saıyn jasap otyrmaq. Sondaıdan 1 000 juldyzkeme jasaý josparynda bar.

Sosyn adamzat pen tirshilikti kópǵalamsharly etý de onyń maqsaty.

Esep:

Ár úsh kún saıyn bir juldyzkeme jasap, jylyna 100 juldyzkeme jasap otyrsa, 10 jylda 1 000 juldyzkeme daıyn bolady.

Ár juldyzkeme 100 adam alyp júre alady, bir rette 1 000 keme Marsqa 100 myń adamdy apara alady.

Birinshi jyly 100 megatonna qurylǵylardy aparady.

2024 jyly alǵashqy jiberý bastalady.

2026 jyly adamdardy jiberedi.

2050 jylǵa deıin ol Marsqa 1 mln adamdy aparady. Osylaısha jerge táýelsiz qala salady.

Bılet quny alǵashynda baryp qaıtýǵa 500 myń dollar shamasynda bolmaq. Keıinirek 100 myń dollarǵa túsýi yqtımal deıdi olar. Sondaı-aq ol jaqqa qaryzǵa barýǵa bolady. Masqtyń aıtýynsha, qaryzǵa baryp, Marsta jumys istep, qaryzdy óteýge bolady», - dep jazdy ol.

"Adyrna" ulttyq portaly

Pikirler
Redakııa tańdaýy