Erteŋ, 11 mausymda futboldan HVI Europa chempionaty bastalady. Būl doda Türkiia men İtaliia qūramalarynyŋ kezdesuımen bastalady dep habarlaidy "Adyrna" ūlttyq portaly.
Negızı, būl chempionat ötken jyly ötuı kerek bolatyn. Bıraq älemdı şarlaǧan ındetke bailanysty biylǧa auystyryldy.
Eŋ aldymen, qai eldıŋ komandalary qai topta bäsekege tüsetının zerdelep körelık:
"A" tobynda — Türkiia, İtaliia, Uels, Şveisariia; "V" tobynda Daniia, Finliandiia, Belgiia, Resei; "S" tobynda — Niderlandy, Ukraina, Avstriia, Soltüstık Makedoniia; "D" tobynda — Angliia, Horvatiia, Şotlandiia, Chehiia; "E" tobynda — İspaniia, Şvesiia, Polşa, Slovakiia; "F" tobynda — Vengriia, Portugaliia, Fransiia, Germaniia.Mıne, osy kezeŋdegı oiyndardyŋ qorytyndysy boiynşa bırınşı jäne ekınşı oryn alǧan 12 komanda, sondai-aq neǧūrlym üzdık körsetkıştermen üşınşı orynǧa şyqqan 4 komanda plei-off kezeŋıne şyǧady. Sodan keiın 26 mausymnan 11 şıldege deiın 1/8 oiyndar, şirek final, jartylai final, final bolady.
Aita ketu kerek, final 11 şılde, jeksenbı künı Londonda ötedı.Būl HVI Europa chempionaty biyl ötkenımen tarihta "Euro-2020" degen ataumen qalmaq. Jalpy dästürlı Europa chempionatynyŋ ötu merzımı karantinge bailanysty tūŋǧyş ret auystyrylyp otyr. Kelesı 2024 jylǧy chempionat būrynǧy format boiynşa ūiymdastyrylady.
"Adyrna" ūlttyq portaly.
Ūqsas jaŋalyqtar
