Nur-Sultandyq er adam kóligin satyp, ony qaıtadan aıdap áketken. KIA Rio avtokóliginiń jańa ıesi mashına urlyǵy týraly polıııaǵa shaǵymdanǵan, dep habarlaıdy «Adyrna» ulttyq portaly Nur-Sultan polıııa departamentiniń baspasóz qyzmetine silteme jasap.
Ol kúni buryn túnde kóligin kilttep, dalada qaldyrǵanyn aıtqan. Kelesi kúni tańerteń mashınasy joq ekenin ańǵarǵan.
Polıııa qyzmetkerleri oqıǵa ornyn tekserip, beınebaqylaý kameralarynyń jazbalaryn qarady. Tańǵy saǵat 5 shamasynda kúdikti kólikti ashyp, aıdap áketken. Quqyq qorǵaýshylar kúdiktiniń jeke tulǵasyn anyqtaǵanda onyń kóliktiń burynǵy ıesi ekeni belgili boldy.
«Mashınany satqannan keıin er adam taǵy bir kiltti ózine alyp qalǵan. Ol kóliktiń jańa ıesiniń mekenjaıyn da anyqtap alǵan. Avtokólikti aıdap áketken soń, kúdikti mashınany jaldamaly garajda qaldyryp, keıinnen basqa óńirge jolǵa shyqqan», – dedi polıııada.
Mashına urlaý faktisi boıynsha keltirilgen shyǵyn kólemi eki mıllıon teńgeden asty.
Elordalyq polıııa qyzmetkerleri kúdiktini qolǵa túsirdi. Onyń qandaı jazaǵa tartylatyny áli belgisiz. Alaıda Qazaqstanda mashına urlyǵy úshin 1-3 myń AEK kóleminde aıyppul (2,9-8-7 mıllıon teńge) nemese abaqtyda 5 jyldan 10 jylǵa deıingi merzimde jazasyn óteý qarastyrylǵan.
"Adyrna" ulttyq portaly
