Mas áke 14 jasar balasyna kólik tizginin bergen

1618
Adyrna.kz Telegram

Kámeletke tolmaǵan balasyna kólik tizginin bergen mas ákege qatysty eki ákimshilik hattama toltyryldy, dep habarlaıdy «Adyrna» tilshisi Qostanaı oblysynyń polıııa departamentine silteme jasap.

Oqıǵa aǵymdaǵy jyldyń 31 mamyrynda Arqalyq qalasynda bolǵan.

Polıeıler "Qaýipsiz jol" jedel aldyn alý is-sharasyn ótkizý aıasynda "MITSUBISHI PAJERO" avtokóligin toqtatqan. Júrgizýshi qyzmetkerlerdiń zańdy talaptaryn oryndaýdyń ornyna jasyrynýǵa tyrysqan.

«Qýdalaýdan ketip, ol azamattardyń ómiri men densaýlyǵyna qaýip tóndirip, birneshe ret tótenshe jaǵdaı jasady. Daýys zoraıtqysh qurylǵynyń kómegimen polıııa qyzmetkerleri kólik quralyn toqtatý týraly birneshe ret buıryq berdi, júrgizýshige baǵynbaǵan jaǵdaıda tabeldik qarý qoldanylatynyn eskertti.
Yqtımal saldaryn baǵalaı otyryp, polıııa qyzmetkerleri "quqyq qorǵaý qyzmeti týraly" Zańnyń 61-babynyń 5-tarmaǵyna sáıkes artqy dońǵalaqqa zaqym keltirý arqyly kólikti májbúrlep toqtatý úshin tabeldik qarýdy qoldandy. Osydan keıin ǵana avtokólik toqtatyldy»,— delingen habarlamada.

Aıt keteıik, kólikti 2007 jyly dúnıege kelgen kámeletke tolmaǵan bala basqarǵan. Aldyńǵy jolaýshy otyrǵyshynda mas kúıinde 35 jastaǵy ákesi bolǵan. Oǵan qatysty 612-baptyń 5-bóligi (basqarý quqyǵy joq adamǵa t/q basqarýdy berý) jáne 613-baptyń 1-bóligi (t/s toqtatý týraly zańdy talaptardy oryndamaý) boıynsha eki ákimshilik hattama jasaldy.

«Adyrna» ulttyq portaly

Pikirler