Baiqoŋyr ǧaryş ailaǧynyŋ direktory Valinur Agişev Vostochnyi ǧaryş ailaǧynyŋ basşysy bolyp taǧaiyndaldy. Būl turaly Jerüstı ǧaryş infraqūrylymy nysandaryn paidalanu ortalyǧynyŋ baspasöz qyzmetı mälımdedı dep habarlaidy «Adyrna» ūlttyq portaly.
«Jerüstı ǧaryş infraqūrylymy nysandaryn paidalanu ortalyǧy» AQ Bas direktory Ruslan Mūhamedjanov Baiqoŋyr jäne ǧaryş ailaqtarynda josparly taǧaiyndaular turaly būiryqqa qol qoidy. «Şyǧys» ǧaryş ortalyǧy bölımşesınıŋ direktory bolyp būryn «Oŋtüstık» ǧaryş ortalyǧy (Baiqoŋyr ǧaryş ailaǧy) filialynyŋ direktory qyzmetın atqarǧan Valinur Agişev taǧaiyndaldy», - delıngen habarlamada.
Baiqoŋyrdyŋ jaŋa basşysy būryn «Şyǧystaǧy» jūmystardy süiemeldeu jönındegı direktor qyzmetın atqarǧan Sergei Mochalov.
V.Agişev Baiqoŋyr ǧaryş ailaǧynda 20 jyldan asa Qaruly küşterde qyzmet ettı. 2017 jyldyŋ şıldesınen 2019 jyldyŋ nauryzyna deiın ol «Şyǧysty» basqardy.
S.Mochalov Baiqoŋyr ǧaryş ailaǧynda Resei Qaruly küşterınde qyzmet etken, ǧaryş ailaǧyndaǧy filialda basşylyq lauazymdardy atqardy.
2018 jyldan bastap Vostochnyi ǧaryş ailaǧynda jūmystardy süiemeldeu jönındegı direktor lauazymynda jūmys ıstedı.
«Adyrna» ūlttyq portaly.
Ūqsas jaŋalyqtar
