Aqtöbe oblysynda poliseiler şartty türde merzımınen būryn bosatylǧan 25 adamdy bas bostandyǧynan aiyru oryndaryna qaitardy dep habarlaidy "Adyrna" ūlttyq portalynyŋ tılşısı.
Aqtöbe oblysynyŋ uchaskelık polisiia inspektorlary jyl basynan berı "Esep" jäne "Esep elementı", "Tūrmys", "Qūqyqtyq tärtıp", "Uchaske" siiaqty jedel-aldyn alu ıs-şaralaryn, sondai-aq reidtık ıs-şaralardy ötkızdı. Qabyldanǧan şaralardyŋ arqasynda aǧymdaǧy jyly 5 aidyŋ qorytyndysy boiynşa oblys aumaǧynda jasaǧan qylmystardyŋ 21,6% - ǧa tömendegenı baiqalady.
Bostandyqqa şyqqannan keiın tüzelu jolyna tüspegen jäne qoǧamdyq tärtıp pen azamattardyŋ tynyştyǧyn būzudy jalǧastyrǧan şartty türde merzımınen būryn bosatylǧan 25 adam bas bostandyǧynan aiyru oryndaryna qaitaryldy.Aqtöbe oblysy boiynşa QAJD probasiia qyzmetımen bırlesken jūmys nätijesınde qoǧamdyq tärtıptı jüielı türde būzǧan esepte tūrǧan 75 adamǧa qatysty şartty jazany bas bostandyǧynan aiyruǧa auystyru jüzege asyryldy, al sottalǧan 4 adamnyŋ synaq merzımı ūzartyldy.
"Polisiia departamentı QAJD jäne jūmyspen qamtudy üilestıru jäne äleumettık baǧdarlamalar basqarmasymen bırlesıp bas bostandyǧynan aiyru oryndarynan bosatylǧan adamdardy jūmysqa ornalastyru, olardy jaŋa mamandyqtarǧa qaita oqytu mäselelerın şeşu boiynşa şaralar qabyldauda. Jūmyspen qamtu jäne äleumettık baǧdarlamalar organdaryna jūmysqa ornalasuǧa järdemdesu üşın tūratyn meken - jaiy bar bas bostandyǧynan aiyru oryndarynan bosatylǧan adamdardyŋ tızımı jıberıledı", - deidı JPQB bastyǧynyŋ orynbasary Amantūrly Takeşev.Biyl mamyr aiynda oblysta 217 adam jūmysqa ornalastyryldy, jaŋa mamandyqtarǧa qysqa merzımdı oqytyluǧa 2 adam jıberılgen.
"Adyrna" ūlttyq portaly.
Ūqsas jaŋalyqtar
