Reseı prezıdenti Vladımır Pýtın AQSh-ta ımperııalarǵa tán máseleler týyndap jatyr dep oılaıdy. Olar óz kúshterine senimdi bolǵany sonshalyq, sheshimi joq máselelerdi ózderine jasap jatyr deıdi ol. Bul týraly ol Sankt-Peterbýrg halyqaralyq ekonomıkalyq forýmynda álemdik aqparat agenttikteriniń basshylarymen bolǵan kezdesýinde málimdedi.
"Biz Kongressten bastap ózge de minberlerden jalǵasyp jatqan qater men úrkitýler jaıly jıi estımiz. Munyń bári AQSh-tyń ishki saıası proesteriniń barysynda jasalady. Osyny jasaıtyn adamdar, AQSh-tyń áskerı. saıası, ekonomıkalyq qýaty myqty, barlyǵyna shydap beredi dep oılaıdy.
Siz máselelerdiń qandaı ekenin bilesiz be? Men sizge burynǵy Keńes Odaǵynyń burynǵy azamaty retinde aıtaıyn. Imperııalarda qandaı problema bar - olar ózderin sonshalyqty kúshtimiz dep oılaıdy, sondyqtan da kishigirim olqylyqtar men qatelikterge jol bersek eshteńe etpes degen paıymdy ustanady. Bireýlerdi satyp alamyz, endi birimen kelisimge kelemiz, bireýdi qorqytamyz, al birin áskerı kemelerimizben úorkitemiz dep sanaıdy. Rasymen bul olardyń máselelerin sheshedi. Alaıda máseleler sany artyp keledi. Kúnderdiń kúninde olardy sheshe almaıtyn deńgeıge jetedi. Amerıka Qurama Shtattary senimdi júrisimen, nyq qadamymen Keńes Odaǵynyń júrgen jolmen kele jatyr", - dedi Pýtın.
"Adyrna" ulttyq portaly
