"Adyrna" ulttyq portaly Abai.kz portalynda jarııalanǵan "Sýdıa sizden arasha suraıdy, Prezıdent myrza!" maqalasyn tolyq jarııalap otyr. Maqala redakııanyń ustanymyn bildirmeıdi.
QR Prezıdenti Qasym-Jomart Toqaevtyń,
QR Joǵarǵy sotynyń tóraǵasy Jaqyp Asanovtyń
nazaryna!
Jalpy, Sot bıligi – táýelsiz bılik. Sot bıligi – qoǵamdaǵy naqty ister men daýlardy ádilet tarazysyna salyp sheshetin organ. Sot bıligi – zańdylyq pen quqyqtyq tártipti qamtamasyz etýshi! Sot bıligi – konstıtýııalyq qurylysty, saıası jáne ekonomıkalyq júıeni, azamattardyń, memlekettiń jáne qoǵamdyq uıymdardyń quqyqtary men zańdy múddelerin qorǵaıtyn organ. Sot bıligi – azamattar ádilet izdep bas tireıtin aqyrǵy minberi.
Ras, búgingi Qazaqstannyń sot júıesine qatysty aıtylar syn az emes. Tórdegi sottar tym qatal, tym tákapar, tym bıik. Aldyna kelgen adamnyń aǵyn aqtap, qarasyn aıyptap, ádiletti sheshim shyǵarýdan góri, mólıip kelgen miskinnen qylmysker, páleqor, basbuzar obrazyn kórýge beıim turady. Sondyqtan da, sot júıesine degen eldiń senim kredıti taýsylarǵa tap keldi. Taýsyldy desek te artyq aıtqandyq emes.
Prezıdent Toqaev aıtqan «ádiletti memleket» qurý konepııasynyń alǵysharty – ádil sheshim shyǵaratyn sot júıesin qalyptastyrý. Al ádiletsiz sotpen ádiletti sheshim shyǵarý, ádiletti memleket qurý múmkin emes ekeni ekibastan túsinikti. Ádiletti sotqa qoǵam da, memleket te múddeli. Sondyqtan, túbegeıli reforma qajet! Ony zań ustaǵan zańgerler de, saýaty bar sarapshy-mamandar da, Jaqyp Qajymanuly tizginin ustaǵan Joǵarǵy sot pen Konstıtýııanyń kepili deıtin Prezıdent te jaqsy túsinedi.
Sońǵy kezderi Qazaqstannyń aqparat keńistiginde sot júıesi men sýdıalarǵa qatysty negatıvti aqparattar leg-legimen jarııalanyp jatyr. «Sýdıa para alyp jatyp ustalypty», «Sýdıa para berip jatyp quryqtalypty», «Sýdıa saýnada ustalypty», «Sýdıanyń záýlim saraıy men dúnıe-baılyǵy áshkere bolypty» t.b. Munyń barlyǵy óz kezeginde eldiń sot júıesine degen negatıvti pikirin kóbeıtpese, azaıtpaıtyny jáne ras. Bul óz aldyna bólek áńgime.
Sýdıaǵa kim arasha?
Joǵaryda, sot minberi azamattardyń aqıqat surap taban tireıtin aqyrǵy minberi ekenin aıttyq. Al endi sol sottardyń ózi ádilet izdep, arasha suraǵanda kimge júginbek?
Redakııamyzdyń elektrondy poshtasyna Gúlnur Qurmanbaı esimdi Qyzylorda oblysy, Shıeli aýdandyq soty sýdıasynyń óziniń basshylyǵy, ıaǵnı Shıeli aýdandyq sotynyń tóraǵasy tarypanyn qysym men qýdalaýǵa ushyraǵanyn aıtyp, úshbý haty kelip tústi. Biz máseleniń mán-jaıyn surap, Gúlnur Qurmanbaıqyzyna habarlastyq. Qazir pnevmonııalyq syrqatyna baılanysty aýrýhanada emdelip jatyr eken. Bizge telefon arqyly óz jaǵdaıy týraly aıtyp bergen edi.
Prezıdentke Ashyq hat
Gúlnur Qurmanbaıqyzy Qurmanbaıdyń ózi Shymkent qalasynyń týmasy. Qyzylorda oblysy, Shıeli aýdandyq sotynyń sýdıasy qyzmetin 2012 jyldan beri atqaryp keledi. Sol 2012 jyldan bergi «adal eńbegim men ar-ojdanym aıaqqa taptaldy» degen Gúlnur hanym óz basshylyǵy tarapynan qýdalaýǵa túskenin aıtady.
«Men 2019 jyldyń qarasha aıynan bastap bala asyrap alýyma baılanysty eńbekke jaramsyz sanatynda júrip, odan ári bala kútimine baılanysty demalysqa shyqqanmyn. Alaıda men ózimniń basshylyǵym tarapynan qýdalaýǵa ushyrap, tipti óz úıime, jumys ornyma da bara almaı júrmin.
Shıeli aýdandyq sotynyń tóraǵasy M.Kúzdeýbaev barlyq zań buzýshylyqtarǵa jol berip, meniń esigimdi buzyp, syrtymnan sheshim shyǵaryp, qol qoıǵan. Zańsyz kompıýterim men proessorymdy QR sybaılas jemqorlyqqa qarsy is qımyl agenttiginiń Qyzylorda oblysy boıynsha Departamentine (ári qaraı Bıýro) usynyp, ústimnen tekserý júrgizgen», - deıdi.
Joǵarǵy sot ne deıdi?
Osyǵan baılanysty QR Joǵarǵy sotyna aryz da jazylypty.
«Jazǵan aryzym boıynsha Joǵarǵy sotymen komıssııa qurylyp, Shıeli aýdandyq sotynyń tóraǵasy M.Kúzdeýbaev pen sýdıa A.Joldybaevtardyń tarapynan kemshilikter anyqtalǵan.
Qazaqstan Respýblıkasynyń Joǵarǵy sotynyń 03.03.2021 jylǵy №6001-21-4/4 sandy hatynda, sot sheshimi G.Qurmanbaımen (G.Qurmanbaı 30.12.2019 – 30.12.2020 jyl aralyǵynda bala kútimi demalysynda bolǵan) onyń elektrondy qoltańbasyn paıdalaný arqyly 28.01.2020 jyly Shıeli aýdandyq sotynyń tóraǵasy M.O.Kúzdeýbaevpen shyǵarylǵany, osy áreketi úshin Shıeli aýdandyq sotynyń tóraǵasy M.O.Kúzdeýbaev qyzmetinen bosatylǵany jazylǵan», - deıdi.
«Sol kezde meniń bala kútimine baılanysty eńbek demalysynda júrgenimde, Qyzylorda oblystyq sotynyń tóraǵasy Q.Nuryshevtyń qatynas haty men jınaqtalǵan is-qujattary negizinde sebepker bolǵan Qyzylorda oblysy boıynsha Sybaılas jemqorlyqqa qarsy kúres Departamentiniń qylmystyq quqyq buzýshylyq týraly aqparatty esepke alǵan.
Odan keıin, 10 tamyz 2020 jyly Qyzylorda oblysy boıynsha Sybaılas jemqorlyqqa qarsy kúres Departamentiniń qylmystyq quqyq buzýshylyq týraly №20430013000576 sanmen tergeý basqarmasynyń basshysy jedel-tergeý tobynyń jetekshisi Sh.Shamenovtyń baıanatyny tirkelgen.
Qyzylorda oblystyq sotynyń tóraǵasy Q.Nuryshevtyń qatynas haty men jınaqtalǵan is-qujattaryna sáıkes №204300131000065 sandy qylmystyq isten maǵan qatysty QR QK-niń 369-babynyń 3-bóligimen sotqa deıingi jańa tergep-tekserýdi bastaý úshin qujattardy bólektep, ári qaraı QR QPK-niń 550-babyna sáıkes kelisim alý úshin QR Bas prokýratýrasyna joldaý qajettigi kórsetilgen.
11 tamyz 2020 jyly baıanatta kórsetilgen derekter boıynsha, QR QK-niń 369-babynyń 3-bóligimen №204300131000065 sandy sotqa deıingi tergep-tekserý tirkelip, sol kúni №5-1-3/4125 shyǵys hatpen QR Bas prokýratýrasyna QR QPK-niń 550-babyna sáıkes, qylmystyq qýdalaýdan artyqshyqlyqtary men ımýnıteti bar adamǵa qatysty sotqa deıingi tergep-tekserý tirkelgeni týraly habarlaǵan.
Qazaqstan Respýblıkasynyń Bas Prokýrorynyń mindetin atqarýshy B.N.Asylovpen 14 tamyz 2020 jyly QR QPK-niń 550-babyna sáıkes maǵan qatysty QR QK-niń 369-babynyń 3-bóligimen qozǵalǵan №20430013000576 sandy qylmystyq is boıynsha sotqa deıingi tergep-tekserýdi jalǵastyrý týraly qaýly shyǵarylǵan», - deıdi.
«Bala kútimimen eńbek demalysynda júrgenimde kabınetimdi tindip, kompıýterimdi alyp ketti»
Gúlnur Qurmanbaıdyń aıtýynsha, bul proesster júrgizilip jatqanda ol Shymkent qalasynda bala kútimine baılanysty eńbek demalysynda júrgen. Sol ýaqytta onyń syrtynan jedel–tergeý tobynyń jetekshisi Sh.Shamenovtyń 10 tamyz 2020 jylǵy №204300131000065 sandy qylmystyq isten materıaldardy bólekteý týraly qaýlysyna tirkelgen tizimge sáıkes, sýdıa Qurmanbaıdyń kabınetindegi qoldanysynda bolǵan kompıýterdi alý týraly hattama toltyrǵan jáne ol aıǵaq zat retinde tanylǵan. Sóıtip sýdıanyń paıdalanýynda bolǵan qyzmettik kompıýter boıynsha Qyzylorda oblysy, sybaılas jemqorlyqqa qarsy qyzmettiń asa mańyzdy ister jónindegi tergeýshisi T.Mýstafaevtyń 06 mamyr 2020 jylǵy qaýlysymen sot-kompıýterlik saraptama taǵaıyndalyp, 04.06.2020 jyly №967 sandy sarapshy qorytyndysy alynǵan.
«Meniń óndirisimde bolǵan azamattyq is materıaldarynyń qujattaryn alý týraly hattama toltyrylyp, oǵan qatysty Shıeli aýdandyq sotyna suraý joldanyp, jaýaptar alynǵan.
15 maýsym 2020 jyly Qyzylorda oblysy boıynsha sybaılas jemqorlyqqa qarsy qyzmettiń asa mańyzdy ister jónindegi tergeýshisi T.Mýstafaevtyń qaýlysymen meniń óndirisimde bolǵan azamattyq is materıaldary boıynsha sot-qoltańba saraptamasy taǵaıyndalyp, 15 shilde 2020 jyly №1279 sandy saraptama qorytyndysy alynǵan», - deıdi Gúlnur Qurmanbaıqyzy.
«Prezıdenttiń keńesi men Joǵarǵy sottyń kelisiminsiz is qozǵady»
Taǵy bir aıta keterligi, sýdıa Qurmanbaı qylmys jasaý barysynda ustalmaǵan. Al sýdıalyq ımmýnıteti bar tulǵalardy qyzmetinen bosatý nemese tutqyndaý úshin QR Joǵary sot keńesiniń qorytyndysyna negizdelgen QR Prezıdentiniń kelisimi bolýy kerek eken.
«Men qylmys jasaý ornynda ustalǵan adam emespin. Maǵan qatysty QR QK-niń 369-babynyń 3-bóligimen qozǵalǵan qylmystyq is aýyr nemese asa aýyr qylmys sanatyna jatpaıdy. Alaıda, QR Bas Prokýrorynyń mindetin atqarýshy B.N. Asylovpen 14 tamyz 2020 jyly maǵan qatysty QR QK-niń 369-babynyń 3-bóligimen qozǵalǵan №20430013000576 qylmystyq is boıynsha tergep-tekserýdi jalǵastyrý týraly qaýly shyǵarylǵan ýaqytta QR Joǵary sot keńesiniń qorytyndysyna negizdelgen QR Prezıdentiniń kelisimi bolmaǵan.
Negizi QR QPK-niń 550-babynyń 1-bóliginiń talabyna sáıkes, QR Bas Prokýrory sotqa deıingi tergep-tekserý QR Bas Prokýrorynyń kelisimin alǵanǵa deıin zańsyz jalǵasýy sebepti, 11 tamyz 2020 jyly QR QK-niń 369-babynyń 3-bóligimen maǵan qatysty tirkelgen №204300131000135 sandy sotqa deıingi tergep-tekserýdi toqtatylyp, sotqa deıingi tergep-tekserýdi toqtata otyryp, ony jalǵastyrýdan bas tartýy tıis edi.
Tergeý organy Qazaqstan Respýblıkasy Bas Prokýrorynyń mindetin atqarýshy B.N.Asylovtyń 14 tamyz 2020 jylǵy maǵan qatysty QR QK-niń 369-babynyń 3-bóligimen qozǵalǵan №20430013000576 sandy qylmystyq is boıynsha tergep-tekserýdi jalǵastyrý týraly qaýlyny Q.Mýhanbekovke bergendigi jóninde 24 qyrkúıek 2020 jyly /shyǵys № 5-1/4966/JT-M-434/ sandy hatpen bergen. Alaıda, Q.Mýhanbekov muddeli tulǵa bolyp tabylmaıdy.
Men ózdigimnen tergeý organǵa Q.Mýhanbekovty qorǵaýshy retinde qabyldaý jóninde aryz jazǵanym joq. Jáne de tergep-tekserý organdarymen maǵan Q.Mýhanbekovty qorǵaýshy retinde taǵaıyndaý týraly qaýly qabyldanbaǵan. Kelisim-shart boıynsha Q.Mýhanbekov meniń hatshym E.Qydyralıevanyń qorǵaýshysy bolǵan. Sebebi, E.Qydyralıevamen kelisim shartpen otyrǵan./Tergeýshi Mýstafaevtyń qorǵaýshy taǵaıyndaý týraly qaýlysy, qylmystyq is qujatta 2 tom 223-225 bet Q.Mýhanbekovtyń orderi tirkeledi./
Sonymen qatar, tergeý organy QR Bas Prokýrorynyń mindetin atqarýshy B.N.Asylovtyń 14 tamyz 2020 jylǵy maǵan qatysty QR QK-niń 369-babynyń 3-bóligimen qozǵalǵan №20430013000576 sandy qylmystyq is boıynsha tergep-tekserýdi jalǵastyrý týraly qaýlyny qylmystyq istegi 4 tomnyń tizimniń 118-123 betterinde tigilgen dep kórsetilgen.
Alaıda atalǵan qylmystyq isti ashyp qaraıtyn bolsaq, ol betinde tizimdegi qaýly kóshirmesi kórsetilmegen, múldem basqa qujattar tigilgen», - deıdi sýdıa Qurmanbaı.
«Úıime kelip, anamdy qorqytqan»
Gúlnur Qurmanbaıdyń aıtýynsha, tergeý proessiniń bastalǵany týraly qyrkúıek aıynda ǵana onyń úıine kelip eskertken.
«Esikti ashqan anama dóreki sózder aıtyp, qorqytyp, oǵan meni ýıden shyǵarýdy talap etken. Anam buryn-sońdy ońdaıdy estip kórmegen, ózi ekinishi toptaǵy múgedek áıel.
Odan keıin, tergeý organymen maǵan qatysty kúzetpen ustaý túrindegi bultartpaý sharasyna sankııalaý týraly ótinish haty túsken. Nur-Sultan qalasynyń mamandandyrylǵan aýdanaralyq tergeý sotynyń 29 naýryzdaǵy 2021 jylǵy qaýlysymen maǵan qatysty kúzetpen ustaý túrindegi bultartpaý sharasyna sankııalaý týraly ótinish hatty qanaǵattandyrýsyz qaldyrylǵan.
Osy qaýlymen kelispegendigi týraly QR Bas prokýrory keltirgen ótinishhatynda da maǵan resmı túrde meken jaıyma tergeý áreketteriniń bolmaǵandyǵy anyq jazyp kórsetken. Tergeý organynyń maǵan qatysty saralaý týraly qaýlysy pochta arqyly sáýir aıynda kelgen.
Qorǵaýshy Q.Mýhanbekov meniń hatshym E.Qydyralıevanyń qorǵaýshysy bolyp júrgeninde Qyzylorda oblystyq sotynyń tóraǵasy Q.Nuryshevqa suranys hat joldap, onda QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Qyzylorda oblysy boıynsha departamentine proessýaldyq sheshim qabyldaý jóninde joldaǵan is qujattarynyń kóshirmesin berýdi suraǵan.
Alaıda Qyzylorda oblystyq sotynyń tóraǵasy Q.Nuryshevtyń qolymen bergen hatynda qylmystyq is qozǵaýǵa negiz bolǵan qyzmettik tekserý kezinde jınalǵan materıaldardyń kóshirmesin berýdi, QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentine proessýaldyq sheshim qabyldaý úshin jiberilgenin, osyǵan baılanysty tolyq aqparat alý úshin Qazaqstan Respýblıkasy Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentine júginý kerektigin kórsetken.
QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti bastyǵynyń orynbasary R.Iaǵmýsovtyń qolymen bergen jaýap hatynda, qazirgi ýaqytta sotqa deıingi tergeý júrgizilip jatqandyǵy týraly, onyń málimetteri jarııa etilmeıtini jazylǵan.
Sonymen qatar, «QR Qylmystyq is júrgizý kodeksiniń 78-baby 6-bóliginiń talaptary qorǵanýǵa quqyǵy bar kýágerdiń quqyqtaryn anyqtaıdySoǵan sáıkes sotqa deıingi tergeý satysynda suratylǵan materıaldardyń kóshirmelerin berý múmkin emes» dep kórsetken.
Osyǵan deıin mende qorǵaýshy bolǵan joq. Tergeý organy Q.Mýhanbekov meniń qorǵaýshy emes ekenin bile tura, menen qorǵaýshydan bas tartý jóninde aryz jazýdy surady. Soǵan sáıkes men aryz jazdym. Alaıda osy jazǵan aryzymdy tergeý organy ózderine kerekti jerlerine paıdalanyp, qylmystyq is-qujattarǵa tirkep, ony dálel retinde paıdalanyp, burmalap jiberedi dep oılaǵan da joqpyn.
Tergeý organdaryna Nur-Sultan qalasynyń mamandandyrylǵan aýdanaralyq tergeý sotynyń 29 naýryzdaǵy qaýlysymen, maǵan qatysty kúzetpen ustaý túrindegi bultartpaý sharasyna sankııalaý týraly ótinishhaty qaralyp bolǵan soń, meni shaqyrdy. Sol kezde 2021 jyly sáýir aıynda jaýap berýden bas tarttym.
Sodan keıin, meni kúdikti dep tanyp, is qujattarymen qorǵaýshy N.Aıbýlatov 2021 jyly mamyr aıynda tanysyp, QR Bas prokýratýrasyna shaǵym keltirdi», - deıdi Gúlnur Qurmanbaıqyzy.
«Asyǵys aıyptaý aktisin shyǵardy»
QR Qylmystyq proesstik kodeksiniń 297-babynyń 7 bóliginde, 298 babynda, prokýror shaǵymdy sheshkenge deıin qylmystyq is sotqa jiberilmeýge tıis eken.
«Alaıda, ózim densaýlyǵyma baılanysty aýrýhanada em alyp jatqanymda, QR QPK-106 babynyń tártibimen QR Bas Prokýrorynyń mindetin atqarýshy B.N.Asylovtyń 14 tamyz 2020 jylǵy maǵan qatysty QR QK-niń 369-babynyń 3-bóligimen qozǵalǵan №20430013000576 sandy qylmystyq is boıynsha tergep-tekserýdi jalǵastyrý týraly qaýlysyn zańsyz dep tanyp, onyń kúshin joıýdy suraǵan shaǵymyna nátıjesi shyqpaı jatyp, tergeý organy 01 maýsym 2021 jyly aıyptaý aktisin jazyp, bas prokýror ony bekitip, Qyzylorda qalalyq sotyna jibregendigi týraly habar keldi.
Sotqa deıingi tergep-tekserýdi júzege asyratyn adam proeske qatysýshylar qylmystyq is materıaldarymen tanysqannan jáne olardyń ótinish hattaryn sheshkennen keıin baryp aıyptaý aktisin jasaıdy.
Alaıda tergeý organy, Bas Prokýror shaǵymdy qaraý kezinde meniń keltirilgen dálelderimdi tekserýdiń ornyna, kerisinshe meniń konstıtýııalyq quqyqtarymdy barynsha taptap, aıaq asty qylyp otyr», - deıdi.
Taqyrypqa tuzdyq:
Qyzylorda oblysynda sýdıa sot tóraǵasynan azǵyndyq kórdim dep shaǵymdanǵany týraly aqparat 2020 jyldyń jeltoqsan aıynda BAQ-ta jarııa bolyp, qoǵamda qyzý talqy bolǵan edi. Onda Qyzylorda oblysy, Shıeli aýdandyq sotynyń tóraǵasy qol astyndaǵy sýdıany tósektes bolýǵa shaqyrǵany, qaramaǵyndaǵy kelinshekti degenine kóndire almaǵan sot tóraǵasy qýdalaýdy bastaǵany jaıly baıandalǵan.
Gúlnur Qurmanbaıdyń zań salasynda júrgenine 20 jyl eken. Al Shıeli aýdandyq sotynyń sýdıasy bolyp jumys istegenine 8 jyl bolǵan. Aýdandyq sottyń tóraǵasy qol astyndaǵy boıdaq kelinshekti «qalaǵanyna» kóndire almaǵan soń, qyspaqqa alǵan kórinedi. Gúlnur Qurmanbaı basshylyqtyń mundaı qysymyna shydaı almaı, bala kútimine baılanysty eńbek demalysyna shyǵyp ketken. Tipti, ózine ersi usynys jasaǵan tóraǵanyń áreketin tizip, Joǵarǵy sotqa da shaǵymdanypty.
Keıin, Shıeli aýdandyq sotynyń tóraǵasy M.Kúzdeýbaev BAQ-qa pikir bildirip, «sýdıany tósekke tartqan joqpyn. Ol jala jaýyp otyr», - dep aqtalǵan.
«Bul jaǵa ustatatyn jaıt, aıyptaýlardyń bári jalǵan. Birinshiden sýdıa G. Qurmanbaı sýdıa ádebi normalaryn buzyp, negizsiz jala jaýyp otyr, ony tósekke tartty deýi negizsiz. Jaǵylǵan kúıe orynsyz qalmaıdy, anam da, áıelim de ýaıymdap otyr. Joǵarǵy sot tarapynan ishki qaýipsizdik bóliminiń qyzmetkerleri kelip, tekserýdi júrgizdi de, aıtylǵan sózderdiń ras ekeni dáleldenbedi. Ol týraly komıssııanyń sheshimi de shyǵaryldy. Otbasymda eki qyzym, áıelim, anam bar. Aqyldy áıel eriniń bir aýyz sózine de toqtaıdy ǵoı. Áıelime jala jabylyp jatqanyn túsindirdim, basqa eshteńe aıtqanym joq. Úı ishindegi jaǵdaı burynǵydaı emes, aýyr... Kelinshegim meni túsinedi dep oılaımyn», - depti Qyzylorda oblysy Shıeli aýdandyq sotynyń tóraǵasy Marat Kúzdeýbaev.
Kúzdeýbaev qazylyq qyzmette júrgen 13 jyldyń 8-inde basshylyq laýazymdar atqarǵan eken. Ol ótken jyldyń jeotoqsanynda áriptesiniń ústinen aryzdanatynyn aıtqan.
«Osy jaǵdaı boıynsha zań talaptaryna saı shara qoldanýǵa mindetti túrde aryzdanýym kerek dep oılaımyn. Ar-namysyma, otbasymnyń bedeline nuqsan keltirdi. Onyń áreketteri «tıse terekke, tımese butaqqa» dep aıta berý dep baǵalaımyn. Ol sýdıalyq mindetterin maǵan deıin de 5 jyl atqarǵan», - degen M.Kúzdeýbaev sýdıa G.Qurmanbaıdyń sheshiminen keıin jerimizden, úıimizden aıyryldyq dep shaǵymdanýshylar kelgendikten, tóraǵa retinde olardy qabyldap, Qurmanbaıdyń áreketin basshylyqqa habarlaǵanyn aıtypty.
Osy oqıǵadan keıin arada az ǵana ýaqyt ótkende Shıeli aýdandyq sotynda alty jyl hatshy qyzmetin atqarǵan Eńlik Qydyralıeva óziniń jazyqsyz qysymǵa ushyraǵanyn aıtyp, arasha suraǵan. Aıtýynsha, ol úshinshi sábıine aıaǵy aýyr kezde tóraǵanyń qýdalaýyna ushyraǵan. Sebebi, tikeleı basshysynyń (sýdıa Gúlnur Qurmanbaı – avt.) ústinen teris kýálik berýden bas tartypty. Qysym toqtamaǵandyqtan Eńlik júktiliktiń 34-shi aptasynda bosanyp qoıǵan.
Al bıylǵy jyldyń aqpan aıynda Joǵary sot keńesi janyndaǵy sot jıýrıi Shıeli aýdandyq sotynyń tóraǵasy M.Kúzdeýbaevty laýazymynan bosatý týraly usynysty Memleket basshysynyń atyna joldaıtynyn «Azattyq rýhy» saıty habarlady. Onda QR Joǵarǵy sot keńesi apparatynyń atalǵan iske qatysty túsindirmesi jarııalanǵan.
«2021 jyly 18 aqpanda Joǵary sot keńesiniń janyndaǵy sot jıýrıiniń otyrysy ótti, onda jergilikti jáne oǵan teńestirilgen sottardyń sýdıalaryna qatysty birqatar tártiptik ister qaraldy. Sot jıýrıi otyrysynyń qorytyndysy boıynsha 5 sýdıa tártiptik jaýapkershilikke tartyldy, onyń ishinde bir sýdıa sógis túrinde jaza aldy, úsh sýdıaǵa eskertý jarııalandy, aýdandyq sottyń bir tóraǵasy sýdıa laýazymynda qaldyryla otyryp, atqaratyn laýazymynan bosatýǵa usynyldy. Sýdıalardy tártiptik jaýapkershilikke tartýǵa olardyń sot isterin qaraý kezinde zańdylyqty óreskel buzǵany, sýdıa ádebine qaıshy keletin, atyna kir keltiretin teris qylyq jasaǵany, sondaı-aq aýdandyq sot tóraǵasynyń laýazymdyq mindetterin tıisinshe oryndamaǵany negiz boldy», - dep jazylǵan resmı habarlamada.
Onan soń, ornynan bosatylsyn degen sýdıa Marat Kúzdeýbaev ekeni rastalǵan.
«Marat Kúzdeýbaevtyń máselesi qaralǵany ras. Sot jıýrıiniń otyrysynda oǵan qatysty is qaralyp, nátıjesinde Joǵary sot keńesi janyndaǵy sot jıýrıi Marat Kúzdeýbaevty tártiptik jaýapkershilikke tarta otyryp, aýdandyq sot tóraǵasy laýazymynan bosatý týraly sheshim shyǵardy. Sot jıýrıiniń bul sheshimi ázirge zańdy kúshine engen joq. Sebebi, bul sheshimge onyń (Kúzdeýbaev – avt.) aryz túsirý merzimi aıaqtalǵan joq. Kelispese 10 kúnniń ishinde qarsy shaǵym túsire alady, alaıda ázirge aryz túsken joq. Qarsy aryz túspese sheshim zańdy kúshine endi dep esepteledi de, odan keıin sýdıany laýazymynan bosatý týraly Prezıdentke usynys jiberiledi. Sosyn Memleket basshysynyń jarlyǵymen laýazymynan bosatylady. Joǵarǵy sot keńesine turaqty on adam múshe. Odan bólek Bas prokýror, Joǵary Sottyń Tóraǵasy, Ádilet mınıstri de jalpy otyrystarǵa qatysady, olar da daýys berý quqyǵyna ıe. Al Sot jıýrıine birneshe sýdıa, advokattar men qoǵam belsendiledi qatysady. Olar Kúzdeýbaev bosatylsyn degen sheshimge keldi. Bundaı jaǵdaıdan keıin sýdıalardyń ornynda qalýy ekitalaı», - dep túsindirgen QR Joǵary sot keńesiniń baspasóz hatshysy Asan Ahmetjan.
(Maqala Abai.kz saıtynan alyndy)
"Adyrna" ulttyq portaly
