Bışkektıŋ Pervomai audandyq soty 2 mausymda būrynǧy premer-ministr Ömırbek Babanovqa būltartpas şarasyn qoldanu turaly şeşım qabyldady. Ol ūlttyq qauıpsızdık jönındegı memlekettık komitettıŋ tergeu izoliatoryna ekı aiǧa qamaldy. Būl turaly Azattyqtyŋ Qyrǧyz qyzmetı habarlady, dep jazady Azattyq.
Būǧan deiın sudia eks-premerdıŋ zaŋdy ūstalǧanyn atap ötıp, qorǧau tarabynyŋ sudiany auystyru turaly ötınışın qanaǧattandyrmaǧan.
Babanovtyŋ özı taǧylǧan aiyptardy "sandyraq" dep ataǧan.
31 mamyrda memlekettık ŪQK būrynǧy premer-ministr Ömırbek Babanovty ūstaǧan. Komitettıŋ baspasöz qyzmetınıŋ habarlauynşa, oǧan "Qūmtör" jobasymen bailanysty jemqorlyq baby boiynşa aiyp taǧylǧan.
"Qūmtör ısı" boiynşa sonymen bırge Jogorku keŋeş deputattary Asylbek Jeenbekov, Torobai Zulpukarov, eks-deputattar Ysqaq Pirmatov pen Talantbek Uzakbaev ta ūstaldy. Olar da ekı aiǧa qamalǧan.
"Respublika" partiiasynyŋ qūruşysy jäne eks-liderı Babanov 2011-2012 jyldary Qyrǧyzstan premerı bolǧan. 2017 jyly prezident sailauyna qatysyp, ekınşı oryn alǧan. Sailaudan soŋ ol saiasi karerasyn aiaqtaitynyn aityp, Mäskeuge ketken edı. 2019 jyly tamyzda ol Qyrǧyzstanǧa oralǧan.Babanov Qyrǧyzstanǧa kelgen soŋ ŪQK men qarjy polisiiasyna bırneşe ret tergeuge şaqyrylǧan. 2020 jyly 29 tamyzda kezektı tergeuden keiın ol Azattyqtyŋ Qyrǧyz qyzmetıne "segız qylmystyq ıs boiynşa jauap berıp jatqanyn" aitqan. Biyl nauryzda ŪQMK Babanovqa qatysty qozǧalǧan ıs toqtatqanyn, ol memleketke qoldau retınde 100 mln som audarǧanyn mälımdegen.
