Saǵattap avtobýs kútken turǵyndar kimge ókpeli?

788

Aqtóbe oblysynda qalaishilik jolaýshylar tasymalymen aınalysatyn PATP jáne "Avtopark" JShS júrgizýshileri jumysqa shyǵýdan bas tartyp, aqyrynda turǵyndar saǵattap avtobýs kútýge májbúr boldy dep habarlaıdy "Adyrna" ulttyq portalynyń tilshisi.

Apta basynda mundaı "jaǵdaıdy" kútpegen turǵyndar jolaýshylar tasymalymen aınalysatyn kásiporyndardyń ("Jolaýshylar tasymaly kásiporny" JShS men "Avtopark" JShS)  men jergilikti bılikke ókpe-renishterin aıtýda. Sebebi bul kúnderi aqtóbelikterdiń birqatary jumysqa keshikse, endi bireýleri baratyn jerine jete almaı, taksı toqtatqan. Al bul jaǵdaıdy qalt jibermegen taksı júrgizýshileri qyzmet baǵasyn ósirip jibergen.

"Avtopark" JShS basshylyǵy qoǵamdyq kólikterde elektrondyq tólem júıesi engizilgennen keıin avtobýs júrgizýshileri kóldeneń tabystan "aıyrylyp", sol úshin zańsyz ereýil jasaǵanyn aıtady. Qala  turǵyndarynan qolaısyzdyq týdyrǵany úshin keshirim suraǵan  seriktestik basshysy Meıirjan Óndirgenov halyqtyń jaǵdaıyn emes, óz qaltasyn oılaǵan  júrgizýshilermen kelisimshartty úzetinin málimdedi. Ol tipti qazir jumysqa jańadan avtobýs júrgizýshilerin izdep jatqanyn da aıtyp berdi.

— Búgin qalaishilik qoǵamdyq kólik qozǵalysy qalypty deńgeıde júrdi. Degenmen avtobýstardyń júrý ıntervaly óte uzaq. Bir jerge barý úshin 1,5-2 saǵat ýaqytymyz ketedi. Jol aqysynyń qymbattaǵany da bizge ońaıǵa túsip turǵan joq. Degenmen arnaıy kartochka alsań, ony jeńildikpen tóleýge bolady, — deıdi Aqtóbe qalasynyń túrǵyny Ásem Mahına.

Aıta ketý kerek, mamyr aıynyń aıaǵynda Aqtóbe qalasynda qoǵamdyq kólikterge jańa tólemaqy júıesi engizilgen. Soǵan sáıkes  turǵyndar  endi qolma-qol túrde 150 teńge, al arnaıy "Avtobýs" kartochkasy  men QR-kod arqyly  80 teńge tóleıdi. 

"Adyrna" ulttyq portaly.

Pikirler
Redakııa tańdaýy