"Aq jol partııasy" Nur-Sultan qalasy ákimdiginiń qarsylyǵyna qaramastan, búgin 31 mamyr kúni saǵat 8:30-da Saıası qýǵyn-súrgin jáne Asharshylyq qurbandaryn eske alýǵa arnalǵan Alash sherýine shyqty. Buǵan deıin Aqjoldyqtar ákimdikke eki márte hat jazyp, sherýge ruqsat bermegenin aıtqan edi.
Elordadaǵy Seıfýllın-Áýezov kósheleri qıylysynan bastalǵan “Aq jol” partııasynyń Alash sherýi úsh kóshe júrip ótip, Saıası qýǵyn-súrgin jáne Asharshylyq qurbandaryna arnalǵan eskertkish memorıalǵa kelip, taǵzym etip, gúl shoqtaryn qoıdy. Zulmat pen zobalań qurbandarynyń árýaqtaryna duǵa baǵyshtalyp, quran oqyldy.
Aqjoldyqtar byltyr bir kóshe júrip baryp, Saıası qýǵyn-súrgin men Asharshylyq qurbandaryna taǵzym etken edi. Endi bıyl úsh kóshe júrip ótti.“Aq joldyń” Taǵzym etý sherýi jyl saıyn dástúrge aınalǵanyndaı, ALJIR qasiret memorıalynda jalǵasady.
"Adyrna" ulttyq portaly
