QR Premer-mınıstrine!
QR Indýstrııa mınıstrligi "Biz qandaı 167 avtokólik modelin óndiremiz?" degen suraǵyma jaýap berdi. Mınıstrliktiń jaýabyn qanaǵattanarlyqsyz dep esepteımin. 40 modeldi atap shyǵý, onyń ishinde 20-syn biz óndirmeımiz, daıyn kúıinde alyp kelemiz, al 80 modeldi Kamazdardyń túrleri, taǵy 39 model avtobýstar deý, jaı ǵana ótirikti aqtaýǵa tyrysý emes, istiń naqty mán-jaıyn maqsatty túrde jasyrý dep esepteımin. Bul úkimet basshysy retinde sizdiń muqııat tekserý jáne baǵalaý júrgizýińizdi talap etetin másele.
Biz “Halyq únine qulaq asatyn memleket” quryp jatqanymyzdy nazarǵa alýyńyzdy ótinemin. Sondyqtan Mınıstrlik derekterdi qaıta tekserip, qatelikter úshin keshirim surap, túzetýler engizýi kerek edi dep sanaımyn. Munyń ornyna maǵan qarsy aqparattyq soǵys jarııalady, blokbasterler túsirdi, blogerler men telegram-kanaldardy izime saldy, Nur-Medıa men bottardy da osy iske aralastyrdy. Maǵan jaǵylǵan kúıe, jabylǵan jala úshin ókinbeımin. Tek osynyń bárine bıýdjettiń qarajaty jumsalǵany ókindiredi.
Mınıstrlerge meniń kúresim bılikpen emes, el ekonomıkasyn osy jaǵdaıǵa jetkizgen ótirikpen, kózboıaýshylyqpen jáne kásibısizdikpen kúres ekenin túsindirýińizdi ótinemin. Biz ózimizge shyndyqty aıtyp úırenbegenimizshe, naqty jaǵdaıatty túsinbeımiz, demek durys sheshim qabyldap, damı da almaımyz. Dál osy sebepten aqıqatty izdep sońyna deıin baramyn.
Sondaı-aq Mınıstrlik sońǵy 10 jyl ishinde 130 jańa mashına qurastyrý zaýyty qaıda salynǵan degen saýaldy da jaýapsyz qaldyrdy, qazaqstandyq qamtý boıynsha da jaýap bergen joq. Óıtkeni Sizdiń primeminister.kz saıtyńyzda avtoónerkásipti oqshaýlaýdyń ortasha deńgeıi 33%-dy quraıdy, jeke modelder boıynsha 50%-dan asady dep kórsetilgen.
Eger Insdýstrııa mınıstrligi qatelikterin túzetip, 15 kún ishinde jaýap bermese, ulttyq resýrstardy zańdy jáne tıimdi basqarýdy taldaý, baǵalaý jáne tekserý mindeti júktelgen QR Esep komıtetine júginýge májbúrmin. Sondaı-aq Bas prokýratýraǵa da júginemin, óıtkeni Esep komıtetiniń Erejesine sáıkes onyń mindetine QR Bas prokýratýrasymen birlesip ekonomıkalyq jáne qarjylyq qylmystardy tergeýdi ázirleý kiredi. Bálkim, qoǵamnyń talap ete bastaǵany jaǵymsyz jaıt shyǵar.
Úkimet avtokólik salasyn yntalandyrý boıynsha teńdessiz sharalardy qabyldaǵanyn túsindiremin. Bul QQS, kádege jaratý alymy, jeńildetilgen nesıe jáne lızıng baǵdarlamalary, ónim eksportyn qoldaý sharalary. Munyń bári otandyq ónerkásipti qoldaý úshin jasaldy, degenmen shyn máninde bıýdjetten úlken mafııanyń qaltasyna salynǵan júz mıllıardtaǵan teńgeniń eseptelmeýine alyp keldi. Halyq Armenııadan jáne basqa da elderden avtokólikter tasymaldaýdy jalǵastyra berdi. Bul biz 167 avtokólik modelin shyǵaramyz dep maqtanǵanymyzben, shyn máninde kapıtaldy syrtqa shyǵarý. Eger Indýstrııa mınıstrligi bizdiń az ónim óndiretinimizdi moıyndasa, onda nege jáne kim úshin kóp mıllıardtyq preferenııalar jasalǵany týraly saýal týyndaıtynyn túsinemin.
Sóz sońynda aıtarym, ózim baryp qazaqstandyq qamtýdy sanap shyǵý úshin 130 zaýyttyń mekenjaıy boıynsha aqparat berýdi sot arqyly talap etemin. Ázirge Úkimettiń barlyǵyn tekserýge, túzetýge jáne qoǵamǵa aqparatty jetkizýge múmkindigi bar.
Asqar Uzaqbaıuly, Sizden «Halyq únine qulaq asatyn memleketti» qamtamasyz etýińizdi ótinemin. Men Sizdiń qyzmetten ketýińizdi suramaımyn. Sizdi nemese Sizdiń mınıstrlerińizdi aýystyrǵannan eshteńe ózgermeıdi. Óıtkeni dál sondaı adamdar oryndaryńyzǵa keledi. Biz qundylyqtardy ózgertýge tıispiz. Ótirikpen, kózboıaýshylyqpen jáne kásibısizdikpen kúresti birge jarııalaıyq. Sonda aınaladaǵy nárseniń barlyǵy ózgere bastaǵanyn kóresiz.
Sanjar BOQAEV.
"Adyrna" ulttyq portaly.
